جموں/۱۵مئی
جموں وکشمیر سٹیٹ انوسٹی گیشن ایجنسی (ایس آئی اے ) نے جموں صوبے کے مختلف مقامات پر چھاپے ڈالے ۔
ذرائع نے بتایا کہ پیر کی صبح ایس آئی اے کی ایک ٹیم نے پولیس کے ہمراہ جموں کے بن تلاب علاقے میں رہائشی مکان پر چھاپہ ڈالا ۔
معلوم ہوا ہے کہ بن تالاب جموں میں ایس آئی اے نے کافی دیر تک رہائشی مکان کی تلاشی لی جس کے بعد تفتیشی ایجنسی کی ٹیم وہاں سے چلی گئی۔
ایس آئی اے نے کن وجوہات کی بنا پر رہائشی مکان کی تلاشی لی اس بارے میں کچھ بھی کہنا قبل از وقت ہوگا۔
اس سلسلے میں مزید تفصیلات کا انتظار ہے ۔
اس دوران قومی تحقیقاتی ایجنسی (این آئی اے ) نے پیر کی صبح وادی کشمیر کے پانچ اضلاع میں۱۳مقامات پر چھاپے مارے ۔
سرکاری ذرائع نے بتایا کہ این آئی اے بڈگام، شوپیاں، پلوامہ، سری نگر اور اننت ناگ اضلاع میں۱۳مقامات پر چھاپے مار کارروائیاں انجام دے رہی ہے ۔
انہوں نے بتایا کہ یہ چھاپے این آئی اے جموں میں درج آر سی 5/2022 کیس کے سلسلے میں مارے جا رہے ہیں۔
قبل ازیں این آئی اے نے اسی کیس کے سلسلے میں۹مئی کو جموں وکشمیر میں۱۵مقامات پر چھاپے مارے تھے ۔