صوبائی کمشنر کشمیر کا رات کے دوران شہر کا دورہ

سرینگر//
صوبائی کمشنر کشمیر وِجے کمار بدھوری نے کمشنر ایس ایم سی / سی اِی او سمارٹ ستی اطہر عامر خان کے ہمراہ بدھ کی رات شہر کا دورہ کیا تاکہ شہر میں سمارٹ سٹی پروجیکٹ کے تحت جاری کاموں پر رات کی شفٹ کے کام کا جائزہ لیا جاسکے۔
صوبائی کمشنر نے رات کی شفٹوں میں شہر کے مختلف حصوں میں کئے جانے والے کاموں کا موقعہ پر ہی جائزہ لیا۔
سری نگر سمارٹ سٹی نے یہ لازمی قرار دیا ہے کہ کام دن اور رات کی شفٹوں میں کیا جائے تاکہ کاموں کی تیزی سے تکمیل کو یقینی بنایا جا سکے۔
بدھوری نے ناردن فور شور ، شالیمار کنال ، نشاط پریسنٹ ، بلیوارڈ واک وے ، ژونٹ کول ، چنار باغ ، ریذیڈنسی روڈ ، ایم اے روڈ ، گھنٹہ گھر ، بتہ مالو ، قمرواری مومن آباد اور راج باغ ریور فرنٹ کے کاموں کا تفصیلی جائزہ بھی لیا۔
وِجے کمار بدھوری نے متعلقہ اَفسران پر زور دیا کہ وہ سمارٹ سٹی پروجیکٹ کے تحت سری نگر میں کئے جارہے تمام کاموں کی بروقت تکمیل کو یقینی بنائیں۔
صوبائی کمشنر کشمیر کے ہمراہ آراینڈ بی ، ایس ایم سی ، سمارٹ سٹی اور دیگر متعلقہ محکموں کے اَفسران بھی تھے۔