پونچھ:بارودی سرنگ کے دھماکے میں کمسن لڑکا زخمی

جموں//
جموںکشمیر کے پونچھ سیکٹر میں ایل او سی کے نزدیک ایک زور دار دھماکہ ہوا جس کے نتیجے میں۱۵سالہ لڑکا شدید طورپر زخمی ہوا۔
سرکاری ذرائع نے بتایا کہ پیر کے روز پونچھ میں لائن آف کنٹرول کے نزدیک مقامی لڑکا بھیڑ بکریوں کے ہمراہ گزر رہا تھا کہ اس دوران زور دار دھماکہ ہوا جس کے نتیجے میں کمسن لڑکا خون میں لت پت ہوا۔
ذرائع نے کہاکہ آس پاس موجود لوگوں نے زخمی لڑکے کو علاج ومعالجہ کی خاطر نزدیکی ہسپتال منتقل کیا جہاں پر اُس کی حالت مستحکم بتائی جارہی ہے ۔
زخمی کمسن کی شناخت معروف ولد جمال الدین کے بطور ہوئی ہے ۔