سوپورمیں بینکر پر پیٹرول بم پھینکنے والی برقعہ پوش خاتون کی شناخت کی گئی ہے:کمار

سرینگر//
جموںکشمیر پولیس کا کہنا ہے کہ سوپور میں منگل کی شام کو سی آر پی ایف بینکر پر پیٹرول بم پھینکنے والی برقعہ پوش خاتون کی شناخت مکمل ہو چکی ہے اور بہت جلد اُس سے گرفتار کیا جائے گا۔
سرکاری ذرائع نے بتایا کہ منگل کی شام کوایک برقعہ پو ش خاتون نے شمالی کشمیر کے سب ضلع سوپورمیں ۱۷۹ویںبٹالین سی آر پی ایف بینکر پر پیٹرول بم داغا ۔انہوں نے بتایا کہ اس حملے میں کسی کو چوٹ وغیرہ نہیں آئی ہے ۔
سی سی ٹی وی میں بھی یہ صاف دیکھا جاسکتا ہے کہ ایک خاتون سی آر پی ایف بینکر کے قریب آکر پیٹرول بم پھینک کر وہاں سے راہ فرار اختیار کرتی ہے ۔
دریں اثنا آئی جی کشمیر وجے کمار نے بتایا کہ گزشتہ شام سوپور میں سی آر پی ایف بینکر پر پیٹرول بم پھینکنے والی برقعہ پوش خاتون کی شناخت کی گئی ہے اور بہت جلد اُس سے سلاخوں کے پیچھے دھکیل دیا جائے گا۔