پلوامہ میں لشکر کے جنگجوؤں کے ۴ معاونین گرفتار

سرینگر//
ممنوعہ دہشت گرد تنظیم لشکر طیبہ سے منسلک چار دہشت گرد معاونین کو جموں کشمیر کے پلوامہ ضلع میں جمعہ کو گرفتار کیا گیا اور ان کے قبضے سے دھماکہ خیز مواد برآمد کیا گیا۔
پولیس نے ان کی شناخت کرامت اللہ ریشی اور سہیل بشیر گنائی کے طور پر کی گئی ہے جو دونوں چیوا الیر ترال کے رہنے والے ہیں، عادل غنی لون ساکنہ کرمولا ترال اور ارشاد احمد کمار ساکن ترال پائین ہیں۔
پولیس نے بتایا کہ ان کے قبضے سے دھماکہ خیز مواد سمیت مجرمانہ مواد برآمد کیا گیا ہے۔
پولیس کے مطابق ’’ابتدائی تفتیش کے دوران، یہ بات سامنے آئی ہے کہ گرفتار دہشت گرد ساتھی لشکر طیبہ کے دہشت گرد کمانڈر عرف بابر عرف سمامہ، جو پی او کے کا رہائشی تھا، کے ساتھ رابطے میں تھے اور وہ ترال کے علاقے میں دیسی ساختہ بم نصب کرنے کی سازش کررہے تھے ۔
پولیس کاکہنا ہے کہ اس کے علاوہ، گرفتار دہشت گرد معاونین لشکر طیبہ کے سرگرم دہشت گردوں کو اسلحہ اور گولہ بارود کی نقل و حمل اور دیگر لاجسٹک سپورٹ میں بھی ملوث تھے۔
ایف آئی آر درج کر کے مزید تفتیش شروع کر دی گئی ہے۔