یکم نومبر سے وادی میں بارشوں اور برفباری کا امکان

سرینگر//
محکمہ موسمیات نے وادی کشمیر میں ماہ نومبر کے پہلے ہفتے کے دوران برف وباراں کی پیش گوئی کی ہے ۔
متعلقہ محکمے کے ایک ترجمان کے مطابق وادی کشمیر میں۳۱؍اکتوبر کی شام سے یکم نومبر تک ہلکے سے درمیانی درجے کی بارشیں یا برف باری ہونے کا امکان ہے ۔
ترجمان نے کہا کہ بعد میں۲سے۴نومبر تک موسم ابر آلود رہنے کا امکان ہے جس دوران کہیں کہیں ہلکی بارشیں ہوسکتی ہیں۔
ان کا کہنا تھا کہ بعد ازاں وادی کے درمیانی و بالائی علاقوں میں۵سے۷نومبر تک ایک بار پھر ہلکی سے درمیانی درجے کی بارشیں یا برف باری ہونے کا امکان ہے ۔
ترجمان نے کہا کہ اس دوران وادی میں سردی کی شدت تیز تر ہوسکتی ہے ۔انہوں نے کہا کہ برف وباراں کے باعث وادی کے بعض جگہوں بشمول زوجیلا، مغل روڈ اور سادھنہ ٹاپ پر ٹرانسپورٹ کی نقل و حمل متاثر ہونے کا امکان ہے ۔
ادھر وادی میں قاضی گنڈ کو چھوڑ کر شبانہ درجہ حرارت ایک بار پھر معمول سے زیادہ ریکارڈ ہوا ہے ۔
دارلحکومت سرینگر میں کم سے کم درجہ حرارت۹ء۳ڈگری سینٹی گریڈ ریکارڈ کیا گیا جو معمول سے۱ء۱ڈگری سینٹی گریڈ زیادہ ریکارڈ ہوا تھا۔
سیاحتی مقام گلمرگ میں کم سے کم درجہ حرارت۵ء۲ڈگری سینٹی گریڈ ریکارڈ کیا گیا جو معمول سے۸ء۰ڈگری سینٹی گریڈ زیادہ ریکارڈ ہوا تھا۔
ایک اورسیاحتی مقام پہلگام میں کم سے کم درجہ حرارت۱ء۱ڈگری سینٹی گریڈ ریکارڈ کیا گیا جو معمول سے۴ء۱ڈگری سینٹی گریڈ زیادہ ریکارڈ ہوا تھا۔
شمالی ضلع کپوارہ میں کم سے کم درجہ حرارت۸ء۳ڈگری سینٹی گریڈ ریکارڈ کیا گیا جو معمول سے۴ء۱ڈگری سینٹی گریڈ زیادہ ریکارڈ ہوا تھا۔
قصبہ قاضی گنڈ میں کم سے کم درجہ حرارت۲ء۲ڈگری سینٹی گریڈ ریکارڈ کیا گیا جو معمول سے۴ء۰ڈگری سینٹی گریڈ کم ریکارڈ ہوا تھا۔
لداخ یونین ٹریٹری کے ضلع لیہہ میں کم سے کم درجہ حرارت منفی۶ء۲ڈگری سینٹی گریڈ ریکارڈ کیا گیا جبکہ ضلع کرگل میں منفی۰ء۳ڈگری سینٹی گریڈ اور قصبہ دراس جو سائبیریا کے بعد دنیا کا سرد ترین علاقہ ہے ، میں کم سے کم دجرجہ حرارت منفی۹ء۱ڈگری سینٹی گریڈ ریکارڈ ہوا ہے ۔