وادی کے اسکولوں کے اوقات کار میں تبدیلی

سرینگر//
محکمہ موسمیات کی موسم خراب ہونے کے متعلق پیش گوئی کے بیچ محکمہ تعلیم نے وادی کشمیر کے تمام سرکاری و غیر سرکاری اسکولوں کے اوقات کار میں تبدیلی کا حکمنامہ جاری کیا ہے ۔
ڈائریکٹر اسکول ایجوکیشن کشمیر کی طرف سے جاری ایک حکمنامے میں کہا گیا کہ یکم نومبر سے سرینگر میونسپل حدود میں آنے والے تمام سرکاری و غیر سرکاری اسکولوں کا اوقات کار صبح۱۰بجے سے سہہ پہر کے۳بجے تک ہوں گے جبکہ میونسپل حدود سے باہر آنے والے علاقوں کے اسکولوں کے اوقات کار صبح ساڑھے دس بجے سے سہہ پہر ساڑھے تک بجے تک ہوں گے ۔
حکمنامے میں تمام متعلقین سے ان ہدایات پر سختی سے عمل کرنے کی ہدایت دی گئی۔
حکمنامے میں کہا گیا کہ اس سلسلے میں کی جانی والی کسی بھی خلاف ورزی کا سنجیدہ نوٹس لیا جائے گا۔
بتادیں کہ ناظم تعلیم تصدق حسین نے حال ہی میں کہا کہ موسمی حالات ساز گار رہنے کی صورت میں امسال وادی میں دسمبر کے آخر تک اسکولوں کو کھلا رکھا جائے گا۔
جموں وکشمیر حکومت نے کشمیر میں اول سے بارہویں جماعت کے امتحانات مارچ سیشن میں کرانے کا فیصلہ لیا ہے ۔
قبل ازیں وادی میں اول سے بارہویں جماعتوں تک امتحانات نومبر دسمبر سیشن میں منعقد ہوتے تھے ۔