جموں کشمیر میں ۱۹ نئے مثبت معاملات درج

سرینگر/۲۸مارچ
جموں کشمیرمیں پچھلے چوبیس گھنٹوں کے دوران کورونا وائرس کے۱۹نئے مثبت معاملات سامنے آئے ہیں۔
اس دوران دونوں صوبوں میں کورونا سے کوئی تازہ موت درج نہیں ہو ئی ہے ۔
ایک سرکاری بیان میں کہا گیا ہے کہ مجموعی ۱۹ مثبت معاملات میں سے ۱۷کا کشمیر اور۲کا تعلق جموں صوبے سے ہے۔
مثبت معاملات کی کل تعداد۴لاکھ۵۳ہزار۶۷۷تک پہنچ گئی ہے‘جن میں سے۱۴۶(صوبہ جموں میں ۲۴؍ اور کشمیر صوبے میں۱۲۲)سر گرم معاملات ہیں۔اَب تک۴لاکھ۴۸ہزار۷۸۱اَفراد صحت یاب ہوئے ہیں ۔
بیان کے مطابق گزشتہ چوبیس گھنٹوں کے دوران ضلع سرینگر میں ۱۰؍‘ ضلع بارہمولہ ۲‘ ضلع بڈگام میں بھی ۲‘کپواڑہ میں‘شوپیان اور کولگام اضلاع میں ایک ایک معاملہ درج کیا گیا ۔پلوامہ ‘اسلام آباد‘گاندربل اوربانڈی پورہ اضلاع سے مثبت معاملات کی کوئی رِپورٹ نہیں ہے۔
اِسی طرح جموں میں ۲ نئے معاملات آج سامنے آئے ۔اودھمپور ، راجوری ، ڈوڈہ ،کٹھوعہ ،سانبہ،کشتواڑ ، پونچھ ،رام بن اور رِیاسی اضلاع سے کسی مثبت معاملے کی کوئی رِپورٹ نہیں آئی ہے۔
بیان میں کیا گیا ہے کہ گزشتہ ۲۴ گھنٹوں کے دوران بھی کورونا وائرس سے کوئی تازہ موت رپورٹ نہیںہوئی ہے۔اب تک جموںکشمیر میں کوروناوائرس سے مرنے والوں کی مجموعی تعداد۴۷۵۰تک پہنچ گئی ‘جن میں سے۲۴۲۳کا کشمیر اور۲۳۲۷کاتعلق جموں صوبہ سے ہے۔
اِسی دوران آج مزید۷؍اَفراد شفایاب ہوئے ہیںجن میںجموں صوبے کے۲؍اور کشمیرکے۵؍افرادشامل ہیں۔