دہلی حکومت نےروزگار بجٹ پیش کرتے ہوئے 20 لاکھ نوکریوں کا ہدف مقرر کیا

نئی دہلی// دہلی کے نائب وزیر اعلیٰ اور وزیر خزانہ منیش سسودیا نے ہفتہ کو 23-2022کے لیے 75,800 کروڑ روپے کا بجٹ پیش کیا اور اسے روزگار کے بجٹ کا نام دیا، جس میں آئندہ پانچ سال میں 20 لاکھ لوگوں کو روزگار فراہم کرنے کا ہدف رکھا گیا ہے۔
بجٹ پیش کرتے ہوئے مسٹر سسودیا نے کہا کہ پچھلے سات سالوں میں عام آدمی پارٹی کی حکومت نے ایک لاکھ 78 ہزار نوجوانوں کو سرکاری نوکریاں دی ہیں، جب کہ پچھلی حکومت نے صفر نوکریاں دی تھیں۔ اس سال کا بجٹ ‘روزگار بجٹ ہے۔ انہوں نے کہا کہ 23-2022کے لئے دہلی کا بجٹ 75 ہزار 800 کروڑ ہے۔ یہ 15-2014کے 30,940 کروڑ روپے کے بجٹ کا ڈھائی گنا ہے۔ اس بجٹ میں بلدیاتی اداروں کے لیے 6154 کروڑ روپے دینے کی تجویز ہے۔
انہوں نے کہا کہ گزشتہ سال ان کی حکومت نے حب الوطنی کا بجٹ پیش کیا۔ ہمارا بجٹ اس بار روزگار کا بجٹ ہے۔ اس میں حکومت کا مقصد اگلے پانچ سالوں میں دہلی کے لوگوں کو 20 لاکھ نوکریاں فراہم کرنا ہے۔ انہوں نے کہا کہ ان کی طرف سے یہ آٹھواں بجٹ پیش کیا جا رہا ہے۔ وزیر اعلیٰ اروند کیجریوال کی قیادت میں سات بجٹوں نے دہلی کے اسکولوں کی حالت بہتر کی ہے، راجدھانی کے لوگوں کو بجلی مل رہی ہے، لوگوں کو بجلی کے صفر بل مل رہے ہیں، میٹرو پھیل گئی ہے، سہولیات بے چہرہ ہو گئی ہیں، اب لوگوں کوسرکاری دفاتر کے چکر لگانے کی ضرورت نہیں پڑتی ۔
(یواین آئی)