جموں کشمیر میں کورونا کے ۲۶ نئے معاملات درج

جموں//
جموں کشمیر میں پچھلے چوبیس گھنٹوں کے دوران کورونا وائرس کے۲۶نئے مثبت معاملات سامنے آئے ہیں۔
اس مدت کے دوران دونوں صوبوں میں کورونا سے کوئی نئی موت درج نہیں ہو ئی ہے ۔
ایک سرکاری بیان میں کہا گیا ہے کہ مجموعی ۲۶ مثبت معاملات میں سے ۱۲کا کشمیراور ۱۴کا تعلق جموں صوبے سے ہے۔
اِس طرح مثبت معاملات کی کل تعداد۴لاکھ۵۳ہزار۵۹۵تک پہنچ گئی ہے‘جن میں سے۱۱۲(صوبہ جموں میں ۳۸؍ اور کشمیر صوبے میں۷۴)سر گرم معاملات ہیں۔اَب تک۴لاکھ۴۸ہزار۷۳۳؍اَفراد صحت یاب ہوئے ہیں ۔
بیان کے مطابق پچھلے چوبیس گھنٹوں کے دوران ضلع سرینگر میں۹؍ اور ضلع بڈگام میں ایک ، ضلع پلوامہ میں ایک اور ضلع کولگام میں ایک نیا معاملہ درج کیا گیا ہے ۔بارہمولہ ،کپواڑہ ، اسلام آباد ،بانڈی پورہ ،گاندربل اورشوپیان اضلاع سے مثبت معاملات کی کوئی رِپورٹ نہیں ہے۔
اِسی طرح جموں میں۱۰‘ضلع ڈوڈہ میں ۳؍اورضلع کٹھوعہ میں ایک نیا معاملہ آج سامنے آیا ہے ۔ اودھمپور ، راجوری ، کشتواڑ ، سانبہ ، پونچھ ،رام بن اور رِیاسی اضلاع سے کسی مثبت معاملے کی کوئی رِپورٹ نہیں آئی ہے۔
بیان کے مطابق گزشتہ ۲۴ گھنٹوں میں کورونا وائرس سے کوئی تازہ موت درج نہیں کی گئی ہے ۔اب تک جموںکشمیر میں کوروناوائرس سے مرنے والوں کی مجموعی تعداد۴۷۵۰تک پہنچ گئی ،جن میں سے ۲۴۲۳کا کشمیر اور۲۳۲۷کاتعلق جموں صوبہ سے ہے۔
اِسی دوران آج مزید۱۳؍اَفراد شفایاب ہوئے ہیںجن میںجموں صوبے کے۵؍افراداور کشمیر صوبے کے۸؍افرادشامل ہیں۔