سعودی عرب میں حوثی حملوں کی ہندوستان نے کی شدید مذمت

نئی دہلی، 09 ستمبر (یو این آئی) سعودی عرب میں حوثی حملوں کی خبروں پر ہندوستان نے سخت ردعمل کا اظہار کرتے ہوئے ان کی شدید مذمت کی ہے۔
وزارت خارجہ کے ترجمان رندھیر جیسوال نے حوثی حملوں سے متعلق سوال کے جواب میں بدھ کے روز کہا کہ ہندوستان سعودی عرب کی خودمختار سرحد میں خاص طور پر شہری اور معاشی تنصیبات کو نشانہ بنائے جانے کی شدید مذمت کرتا ہے۔ ترجمان نے کہا کہ علاقائی سلامتی اور استحکام کو کمزور کرنے والے نیز باب المندب میں جہاز رانی کی آزادی کے لیے خطرہ پیدا کرنے والے ایسے حملے ناقابل قبول ہیں۔
قابل ذکر ہے کہ حوثی باغیوں نے منگل کے روز سعودی عرب میں ہوائی اڈے سمیت متعدد ٹھکانوں پر حملے کیے ہیں۔