نئی دہلی؍۴ستمبر
وزیراعلیٰ عمر عبداللہ نے آج نئی دہلی میں مرکزی وزیر داخلہ امیت شاہ سے ملاقات کی اور جموں و کشمیر سے متعلق متعدد اہم امور پر تبادلۂ خیال کیا۔
ایک سرکاری ترجمان کے مطابق ملاقات کے دوران ریاستی درجے کی بحالی، ٹرانزیکشن آف بزنس رولز کو حتمی شکل دینے، ریزرویشن کے نظام کو معقول بنانے اور عوامی بہبود و ترقی سے متعلق دیگر اہم معاملات پر گفتگو ہوئی۔
وزیراعلیٰ نے مرکزی وزیر داخلہ کو جموں و کشمیر کے پہلے بین الاقوامی فلم فیسٹیول ‘جو۷ ستمبر سے سری نگر میں شروع ہونے والا ہے‘کے بارے میں بھی بریفنگ دی۔
عمر عبداللہ نے جموں و کشمیر کے مختلف علاقوں میں سیلاب سے ہونے والے نقصانات کے پیش نظر مرکز کی جانب سے بروقت فراہم کی جانے والی امداد اور تعاون پر مرکزی وزیر داخلہ کا شکریہ ادا کیا۔
۔۔۔۔۔۔۔
