سرینگر؍ ۱۲ ؍اگست
لیفٹیننٹ گورنر منوج سنہا نے جموں و کشمیر قانون ساز اسمبلی کا اجلاس ۲۱ ستمبر ۲۰۲۶ کو طلب کرلیا ہے۔
لیفٹیننٹ گورنر نے وزیر اعلیٰ عمر عبداللہ کی سربراہی والی وزرا کی کونسل کی سفارش پر اسمبلی کا اجلاس طلب کیا ہے۔
ذرائع کے مطابق وزیر اعلیٰ عمر عبداللہ کی صدارت میں منگل کی دوپہر منعقدہ کابینہ اجلاس میں لیفٹیننٹ گورنر منوج سنہا سے خزاں اجلاس طلب کرنے کی سفارش کی گئی۔ انہوں نے بتایا کہ اجلاس ۲۱ ستمبر سے شروع ہونے کا امکان ہے، جس کے بعد لیفٹیننٹ گورنر باضابطہ طور پر اسمبلی اجلاس طلب کریں گے۔
جموں و کشمیر تنظیمِ نو ایکٹ، ۲۰۱۹ کے تحت جموں و کشمیر اسمبلی کے ایک اجلاس کی آخری نشست اور اگلے اجلاس کی پہلی نشست کے لیے مقررہ تاریخ کے درمیان چھ ماہ سے زیادہ کا وقفہ نہیں ہوسکتا۔
جموں و کشمیر تنظیمِ نو ایکٹ ۲۰۱۹ کی دفعہ ۱۸ کی ذیلی دفعہ (۱) میں کہا گیا ہے: ’’لیفٹیننٹ گورنر وقتاً فوقتاً ایسے وقت اور مقام پر قانون ساز اسمبلی کا اجلاس طلب کرے گا جسے وہ مناسب سمجھے، لیکن ایک اجلاس کی آخری نشست اور اگلے اجلاس کی پہلی نشست کے لیے مقررہ تاریخ کے درمیان چھ ماہ کا وقفہ نہیں ہوگا۔‘‘
۔۔۔۔۔۔۔
ندائے مشرق خبر
