سرینگر؍ ۱۲ ؍اگست
وزیر اعلیٰ عمر عبداللہ نے ضلع کٹھوعہ کے باگھٹا میں واقع تاریخی گوردوارہ چرن کمل صاحب کی جامع ترقی کے لیے ۵ء۱۵ کروڑ روپے کے منصوبے کو منظوری دے دی ہے۔
منصوبے کے تحت ایک نئے لنگر ہال اور دربار ہال کی تعمیر کے علاوہ زیارت کے لیے آنے والے عقیدت مندوں کے لیے جدید شہری بنیادی سہولیات بھی فراہم کی جائیں گی۔
یہ اقدام جموں و کشمیر میں یاتریوں کے لیے بنیادی ڈھانچے کو مزید مستحکم بنانے اور خطے کے مقدس ثقافتی و روحانی ورثے کے تحفظ کو یقینی بنانے کی جانب ایک اور اہم قدم قرار دیا جارہا ہے۔
تاریخی گوردوارے کی ترقی سے عقیدت مندوں کو بہتر سہولیات میسر آئیں گی، جبکہ اس سے جموں و کشمیر کے بھرپور اور متنوع ثقافتی و مذہبی ورثے کے تحفظ اور فروغ میں بھی مزید مدد ملے گی۔
۔۔۔۔۔۔
