سرینگر؍۵ ؍اگست
آرٹیکل۳۷۰ کی منسوخی کی ساتویں برسی کے موقع پر نیشنل کانفرنس (این سی) اور پیپلز ڈیموکریٹک پارٹی (پی ڈی پی) کی جانب سے اعلان کردہ احتجاجی مظاہروں کے پیش نظر بدھ کو سرینگر شہر میں سخت حفاظتی انتظامات کیے گئے۔ حکام نے یہ اطلاع دی۔
حکام کے مطابق۲۰۱۹ میں آئین ہند کے آرٹیکل۳۷۰ کی منسوخی، جس کے تحت سابق ریاست جموں و کشمیر کو خصوصی آئینی حیثیت حاصل تھی، کی برسی پر این سی اور پی ڈی پی نے احتجاجی پروگراموں کا اعلان کیا تھا۔انہوں نے بتایا کہ شہر بھر، خصوصاً لال چوک کے اطراف، سیکورٹی فورسز کی بھاری نفری تعینات کی گئی ہے۔
حکام کے مطابق احتیاطی اقدام کے طور پر سرینگر میں نیشنل کانفرنس اور پیپلز ڈیموکریٹک پارٹی کے مرکزی دفاتر کی طرف جانے والی سڑکوں کو بھی سیل کر دیا گیا۔این سی اور پی ڈی پی دونوں نے اس موقع پر احتجاجی مظاہروں کی کال دی تھی۔
دریں اثنا، پی ڈی پی صدر اور سابق وزیر اعلیٰ محبوبہ مفتی نے منگل کی شب پارٹی ہیڈکوارٹر کے باہر کارکنوں کے ساتھ شمعیں روشن کر کے احتجاجی دھرنا دیا۔اس موقع پر انہوں نے جموں و کشمیر کی خصوصی آئینی حیثیت کی بحالی کا مطالبہ بھی کیا۔
۔۔۔۔۔۔۔
ایجنسیاں
