ایجنسیز
جموں؍۱۲جون
بھارتیہ جنتا پارٹی (بی جے پی) کی جموں و کشمیر یونٹ نے وزیر اعظم نریندر مودی کی قیادت میں مرکز میں حکومت کے۱۲ سال مکمل ہونے پر منعقدہ ’’۱۲ سال بے مثال‘‘ پروگرام کے دوران دعویٰ کیا کہ جموں و کشمیر میں گزشتہ۱۲ برسوں کے دوران نمایاں تبدیلی آئی ہے۔ پارٹی نے اس دوران آرٹیکل۳۷۰ کی منسوخی سمیت مختلف کامیابیوں اور ترقیاتی اقدامات کو اجاگر کیا۔
اس موقع پر جموں و کشمیر بی جے پی کے صدر اور راجیہ سبھا رکن پارلیمنٹ ست شرما، جموں،ریاسی حلقے کے رکن پارلیمنٹ جگل کشور شرما، قائد حزب اختلاف سنیل شرما، رکن اسمبلی وکرم رندھاوا، چیف ترجمان سنیل سیٹھی، ترجمان زوراور سنگھ جموال سمیت پارٹی کے سینئر رہنما اور کارکنان موجود تھے۔
اپنے افتتاحی خطاب میں قائد حزب اختلاف سنیل شرما نے وزیر اعظم نریندر مودی کو حکومت کے۱۲ سال کامیابی سے مکمل کرنے پر مبارکباد دیتے ہوئے کہا کہ مودی کی قیادت میں بی جے پی حکومت کے آغاز نے۲۰۴۷تک ’’وکست بھارت‘‘ (ترقی یافتہ بھارت) کے خواب کی تکمیل کی بنیاد رکھی۔
انہوں نے کہا کہ ’’۱۲ سال بے مثال‘‘ مہم کے تحت ملک بھر میں مختلف پروگرام منعقد کیے جا رہے ہیں اور یہ تقریب مودی حکومت کی کامیابیوں کو اجاگر کرنے کیلئےمنعقد کی گئی ہے۔
سنیل شرما نے کہاجی ’’یہ صرف۱۲ سالہ حکمرانی کی داستان نہیں بلکہ قیادت، وژن اور ترقی کا سفر ہے، جو تاریخ میں سنہری باب کے طور پر یاد رکھا جائے گا
