ایجنسیز
بانہال؍۸جون
پیر کی صبح رام بن ضلع کی تحصیل بانہال کے نچلانہ علاقے میں جموں،سری نگر قومی شاہراہ پر ایک ٹرک حادثے کا شکار ہو گیا، جس کے نتیجے میں پمپور کے ایک ٹرک ڈرائیور کی جان چلی گئی۔
حکام کے مطابق ایک کینٹر ٹرک کشمیر سے جموں کی جانب جا رہا تھا کہ نچلانہ کے قریب الٹ گیا، جس کے باعث ڈرائیور موقع پر ہی جاں بحق ہو گیا۔
متوفی کی شناخت محمد ظفر ولد محمد قاسم ساکن پمپور کے طور پر ہوئی ہے۔
حادثے کی اطلاع ملتے ہی پولیس اور امدادی ٹیمیں جائے وقوعہ پر پہنچ گئیں اور قانونی و طبی کارروائیوں کے لیے لاش کو سب ڈسٹرکٹ ہسپتال بانہال منتقل کیا گیا۔حادثے کی وجہ فوری طور پر معلوم نہیں ہو سکی۔ پولیس نے واقعے کا نوٹس لیتے ہوئے مزید تحقیقات شروع کر دی ہیں۔
دریں اثنا، پیر کے روز راجوری قصبے کے قریب شاہراہ پر ایک بس الٹ جانے سے کم از کم۱۵مسافر زخمی ہو گئے۔
حکام کے مطابق بس راجوری سے منجاکوٹ جا رہی تھی کہ ٹنڈوال کے مقام پر حادثے کا شکار ہو گئی۔مقامی لوگوں نے زخمی مسافروں کو فوری طور پر گورنمنٹ میڈیکل کالج سے منسلک ہسپتال، راجوری منتقل کیا۔
۔۔۔۔۔۔۔۔۔۔۔
