سرینگر؍۲۳؍اپریل
ہندوستان نے پاکستانی طیاروں کو اپنی فضائی حدود استعمال کرنے پر لگائی گئی پابندی۲۴مئی تک بڑھا دی ہے۔ اس تازہ توسیع کے ساتھ، پاکستانی طیاروں کیلئے ہندوستانی فضائی حدود کی بندش اب ایک سال سے زائد عرصے پر محیط ہوگی۔
یہ اقدام۲۲؍اپریل۲۰۲۵کو پہلگام (کشمیر) میں ہونے والے دہشت گردانہ حملے کے چند دن بعد شروع کیا گیا تھا۔
اپریل۲۰۲۵سے دونوں ممالک ایک دوسرے کے طیاروں کے لیے اپنی فضائی حدود کی بندش کو بڑھا رہے ہیں۔ منگل کو پاکستان نے بھی فضائی حدود کی بندش۲۴مئی تک بڑھا دی۔
بدھ کو جاری نوٹس ٹو ائرمین کے مطابق، ہندوستانی فضائی حدود پاکستان میں رجسٹرڈ طیاروں اور پاکستانی ایئر لائنز/آپریٹرز کی ملکیت، لیز پر چلنے والے یا ان کے زیرِ انتظام طیاروں (بشمول فوجی پروازوں) کے لیے دستیاب نہیں ہوگی۔
یہ پابندی۲۳مئی کو۲۴مئی کو صبح۵ بجکر۳۰ (بھارتی معیاری وقت) تک موثر رہے گی۔
کشمیر کے پہلگام میں۲۲؍اپریل۲۰۲۵کو ہونے والے دہشت گردانہ حملے (جس میں۲۶؍افراد ہلاک ہوئے تھے) کے بعد، ہندوستان اور پاکستان نے ایک دوسرے کے طیاروں کیلئے اپنی فضائی حدود بند کر دی تھیں۔
ہندوستان کی فضائی حدود پر پابندی۳۰؍اپریل۲۰۲۵ سے نافذ ہے، جبکہ پاکستان نے۲۴؍اپریل۲۰۲۵سے ہندوستانی طیاروں کے لیے اپنی فضائی حدود بند کر رکھی ہے۔
یہ پابندی، جو دہشت گردانہ حملے کے بعد ہندوستانی حکومت کی طرف سے پاکستان کے خلاف کیے گئے مختلف اقدامات کا حصہ ہے، ابتدائی طور پر۲۴مئی۲۰۲۵تک تھی اور اس کے بعد ہر ماہ توسیع کی گئی ہے۔
عام طور پر،نوٹم ایک ایسا نوٹس ہوتا ہے جس میں وہ معلومات ہوتی ہیں جو پروازوں سے متعلق عملے کے لیے ضروری ہوتی ہیں۔
پاکستانی فضائی حدود کی بندش کی وجہ سے ہندوستانی ایئر لائنز اب مختلف بین الاقوامی مقامات کے لیے لمبے راستے استعمال کر رہی ہیں۔
ہندوستان اور پاکستان کے درمیان جاری فضائی حدود کی پابندیاں ایئر لائنز کو لمبے اور مہنگے راستے اختیار کرنے پر مجبور کر رہی ہیں۔ یہ اقدامات ابتدائی طور پر اپریل۲۰۲۵ میں کشمیر کے پہلگام میں دہشت گردانہ حملے کے بعد نافذ کیے گئے تھے۔
یہ توسیع دونوں ممالک کے درمیان جاری کشیدگی اور سکیورٹی خدشات کی نشاندہی کرتی ہے۔ایجنسیز
