سرینگر؍۳۰مارچ
ڈائریکٹوریٹ آف اسکول ایجوکیشن کشمیرنے یکم اپریل سے کشمیر ڈویژن کے تمام سرکاری اور تسلیم شدہ نجی اسکولوں کے اوقات کار میں تبدیلی کا حکم جاری کیا ہے۔
جاری کردہ حکم کے مطابق سرینگر میونسپل حدود کے اندر واقع اسکول اب صبح۹بجے سے سہ پہر۳بجے تک کھلے رہیں گے۔
جبکہ سرینگر ضلع کی میونسپل حدود سے باہر اور کشمیر ڈویژن کے دیگر علاقوں میں واقع اسکولوں کے اوقات صبح۹ء۳۰ بجے سے سہ پہر۳ء۳۰بجے تک مقرر کیے گئے ہیں۔
۳۰نومبر کےمحکمہ کے ایک حکم نامہ کے مطابق۳۰ مارچ کے تحت تمام تعلیمی اداروں کو ہدایت دی گئی ہے کہ وہ نئے اوقات کار کی سختی سے پابندی کریں اور کسی قسم کی خلاف ورزی نہ کریں۔
