ایجنسیز
سرینگر؍۳۰ مارچ
کشمیر میں پیر کے روز مسلسل دوسرے دن بھی میدانی علاقوں میں بارش اور بالائی علاقوں میں برفباری کا سلسلہ جاری رہا، جس کے نتیجے میں بارش کی کمی میں تقریباً پانچ فیصد کمی آئی ہے، حکام نے بتایا۔
حکام کے مطابق وادی کشمیر کے بیشتر علاقوں میں ہلکی سے درمیانی درجے کی بارش ہوئی، جبکہ کچھ پہاڑی علاقوں میں ایک بار پھر برفباری ریکارڈ کی گئی۔
انہوں نے کہا کہ آئندہ۲۴گھنٹوں کے دوران جموں و کشمیر میں وسیع پیمانے پر بارش یا برفباری کا امکان ہے۔
گزشتہ دو دنوں کے دوران بارش اور برفباری کے باعث مارچ کے مہینے میں بارش کی کمی۵۰فیصد سے کم ہو کر۴۵ فیصد رہ گئی ہے۔
حکام کے مطابق موسمی نظام کی شدت درمیانی رہنے کی توقع ہے، تاہم بعض علاقوں میں تیز بارش بھی ہو سکتی ہے۔
محکمہ موسمیات نے کسانوں کو مشورہ دیا ہے کہ وہ منگل تک تمام زرعی سرگرمیاں معطل رکھیں۔
محکمہ کے مطابق منگل سے موسم میں بہتری آنے کی توقع ہے، تاہم یکم اور دو اپریل کو وقفے وقفے سے بارش ہو سکتی ہے، جبکہ۳سے۷؍اپریل کے دوران کہیں کہیں ہلکی بارش اور برفباری کا امکان بھی ظاہر کیا گیا ہے۔
