ایجنسیز
سرینگر؍۳۰مارچ
سرینگر کے پارمپورہ علاقے میں پیر کے روز ایک سڑک حادثے میں ایک معمر شخص جاں بحق ہو گیا۔
ایک اہلکار کے مطابق گاڑی کی ٹکر لگنے کے بعد انہیں فوری طور پر اسپتال منتقل کیا گیا، جہاں ڈاکٹروں نے انہیں مردہ قرار دیا۔
متوفی کی شناخت۶۱سالہ نصراللہ جان بانڈے ولد محمد حسن بانڈے، ساکن ابراہیم کالونی حیدرپورہ کے طور پر ہوئی ہے۔پولیس نے واقعے کا نوٹس لیتے ہوئے تحقیقات شروع کر دی ہیں۔
دریں اثنا، پیر کے روز سوپور کے رفیع آباد کے لڈورہ علاقے میں سی آر پی ایف کی ایک گاڑی پھسلن بھری سڑک کے باعث نالے میں جا گری۔
ایک اہلکار کے مطابق اس حادثے میں سی آر پی ایف کی۹۲ویںبٹالین کے دو اہلکار زخمی ہو گئے۔زخمی اہلکاروں کو فوری طور پر نکال کر ضلع اسپتال ہندواڑہ منتقل کیا گیا، جہاں ان کا علاج جاری ہے۔
حکام صورتحال پر نظر رکھے ہوئے ہیں اور مزید تفصیلات کا انتظار ہے۔
