ایجنسیز
جموں؍۳۰مارچ
جموں و کشمیر حکومت نے پیر کے روز انتظامی مفاد میں فوری اثر سے۷؍ آئی اے ایس اور جے کے اے ایس افسران کے تبادلوں اور تقرریوں کے احکامات جاری کیے۔
جنرل ایڈمنسٹریشن ڈیپارٹمنٹ کی جانب سے جاری حکم نامے کے مطابق، ناظم ضیا خان، آئی اے ایس کو ڈائریکٹر، خوراک، شہری رسدات اور امور صارفین کشمیر تعینات کیا گیا ہے، جبکہ ڈاکٹر ساگر دوئفودے دتاتریہ، آئی اے ایس کو محکمہ زرعی پیداوار میں اسپیشل سیکریٹری مقرر کیا گیا ہے اور وہ مشن ڈائریکٹر، ایچ اے ڈی پی اور جے کے سی آئی پی کا اضافی چارج بھی سنبھالیں گے۔
شریا سنگھل، آئی اے ایس، منیجنگ ڈائریکٹر جے کے ٹورازم ڈیولپمنٹ کارپوریشن، یکم اپریل۲۰۲۶سے ڈائریکٹر اطلاعات جموں و کشمیر کا اضافی چارج بھی سنبھالیں گی۔
مہیما مدن، آئی اے ایس کو ایڈیشنل سیکریٹری، ریزیڈنٹ کمیشن، نئی دہلی کے اضافی چارج سے سبکدوش کیا گیا ہے۔
امیت گپتا، آئی اے ایس کو سب ڈویژنل مجسٹریٹ، پہلگام تعینات کیا گیا ہے، جبکہ راجیش کمار شاوان، جے کے اے ایس کو ڈائریکٹر، خوراک، شہری رسدات اور امور صارفین جموں مقرر کیا گیا ہے۔
