جموں؍۹مارچ
جموں و کشمیر کے ضلع راجوری کے سندربنی سیکٹر میں پیر کے روز دریا عبور کرنے کی تربیتی مشق کے دوران بھارتی فوج کا ایک جوان لاپتہ ہو گیا۔
وائٹ نائٹ کور نے سوشل میڈیا پلیٹ فارم ایکس پر ایک بیان میں کہا، ’’سندربنی کے عمومی علاقے میں دریا پار کرنے کی تربیتی مشق کے دوران سپاہی اکشِت شرما آج دوپہر تقریباً۱۲بجے لاپتہ ہو گئے۔‘‘
بیان میں کہا گیا کہ فوجی کو تلاش کرنے کے لیے وسیع پیمانے پر سرچ آپریشن جاری ہے جس میں بھارتی فوج کے دستیاب وسائل کے ساتھ ساتھ سول ایجنسیوں کو بھی استعمال میں لایا جا رہا ہے۔
