وادی میں جمعے کی سہ پہر سے موسم میں بہتری کا امکان : لوٹس

سرینگر//
محکمہ موسمیات کے سربراہ سونم لوٹس کا کہنا ہے کہ جمعے کی سہ پہر سے موسم میں بہتری آنے کا امکان ہے ۔
لوٹس نے بتایا کہ جمعے کے روز بھی صبح کے اوقات میں بارشیں متوقع ہے ۔
جمعرات کے روز وادی کشمیر کے اکثر علاقوں میں رک رک کر بارشیں ہونے کے بیچ محکمہ موسمیات کے سربراہ سونم لوٹس نے کہاکہ جمعے کی سہ پہر سے موسم میں بہتری متوقع ہے ۔انہوں نے کہاکہ جموں وکشمیر میں اس وقت مون سون ایکٹیو ہے جس وجہ سے رک رک کر بارشیں ہو رہی ہیں۔
اُن کے مطابق جمعرات کو وادی بھر میں ہلکی سے درمیانہ درجے کی بارشیں ہوئی ۔
لوٹس کا مزید کہنا تھا کہ۱۵جولائی صبح کے اوقات میں بارشیں متوقع ہے اور بعد سہ پہر موسم بہتر ہوگا۔
محکمہ موسمیات کے مطابق وادی میں اگلے چوبیس گھنٹوں کے دوران رک رک کر بارشوں کا سلسلہ جاری رہنے کا امکان ہے ۔وادی میں جاری بارشوں سے شبانہ درجہ حرارت معمول سے نیچے درج ہوا ہے ۔
دارلحکومت سرینگر میں گذشتہ چوبیس گھنٹوں کے دوران۰ء۹ملی میٹر بارش ریکارڈ ہوئی ہے جبکہ کم سے کم درجہ حرارت۳ء۱۷ڈگری سینٹی گریڈ ریکارڈ کیا گیا جو معمول سے۸ء۰ڈگری سینٹی گریڈ کم ریکارڈ ہوا تھا۔
وادی کے مشہور زمانہ سیاحتی مقام گلمرگ میں گذشتہ چوبیس گھنٹوں کے دوران۶ء۴ملی میٹر بارش ریکارڈ ہوئی ہے جبکہ کم سے کم درجہ حرارت۶ء۱۰ڈگری سینٹی گریڈ ریکارڈ کیا گیا جو معمول سے۲ء۱ڈگری سینٹی گریڈ کم ریکارڈ ہوا تھا۔
وادی کے دوسرے مشہور سیاحتی مقام پہلگام میں گذشتہ چوبیس گھنٹوں کے دوران۵ء۱ملی میٹر بارش ریکارڈ ہوئی ہے جبکہ کم سے کم درجہ حرارت۷ء۱۱ڈگری سینٹی گریڈ ریکارڈ کیا گیا جو معمول سے۳ء۰ڈگری سینٹی گریڈ کم ریکارڈ ہوا تھا۔
شمالی ضلع کپوارہ میں گذشتہ چوبیس گھنٹوں کے دوران۶ء۷ملی میٹر بارش ریکارڈ ہوئی ہے جبکہ کم سے کم درجہ حرارت۱ء۱۵ڈگری سینٹی گریڈ ریکارڈ کیا گیا جو معمول سے ۵ء۱ڈگری سینٹی گریڈ کم ریکارڈ ہوا تھا۔
قصبہ قاضی گنڈ میں گذشتہ چوبیس گھنٹوں کے دوران۶ء۳ملی میٹر بارش ریکارڈ ہوئی ہے جبکہ کم سے کم درجہ حرارت۵ء۱۶ڈگری سینٹی گریڈ ریکارڈ کیا گیا جو معمول کے مطابق ریکارڈ ہوا تھا۔
دریں اثنا وادی میں جمعرات کو بھی صبح سے ہی رک رک رک بارشوں کو سلسلہ جاری رہا جس سے گرمی کا زور توٹ گیا اور لوگوں کو راحت نصیب ہوئی۔
دریں اثناناز ساز موسمی صورتحال کے پیش نظر امرناتھ یاترا کو جمعرات کے روز دونوں روٹوں پہلگام اور بالتل سے عارضی طور پر معطل کر دیا گیا۔
سرکاری ذرائع نے بتایا کہ ناساز موسمی صورتحال کے باعث پہلگام بیس کیمپ اور بالتل بیس کیمپ سے جمعرات کو یاتریوں کے کسی بھی قافلے کو پوتر گھپا کی طرف روانہ ہونے کی اجازت نہیں دی گئی۔
ذرائع نے کہا کہ پہلگام اور بالتل روٹس پر ہنوز بارش ہو رہی ہے جس کی وجہ سے یاترا کو عارضی طور روک دیا گیا۔ان کا کہنا تھا کہ موسمی صورتحال میں بہتری واقع ہونے کے بعد ہی یاترا کی بحالی کے متعلق کوئی فیصلہ لیا جائے گا۔
دریں اثنا محکمہ موسمیات سرینگر سینٹر کے ڈائریکٹر سونم لوٹس کا کہنا ہے کہ بالتل اور پہلگام روٹس پر جمعرات کو رک رک کر بارشیں متوقع ہیں۔
لوٹس نے کہا کہ مطلع ابر آلود رہنے کے ساتھ موسم کی یہی صورت حال کل یعنی جمعہ تک جاری رہنے کا امکان ہے ۔ان کا کہنا تھا کہ۱۶جولائی سے موسم کی بہتری واقع ہونا شروع ہوسکتی ہے ۔
محکمہ موسمیات کے ڈائریکٹر نے کہا کہ مونسون کے دوران موسم کی پیش گوئی کرنا قدرے مشکل ہوتا ہے ۔انہوں نے کہا کہ کبھی موسم میں اچانک تبدیلی واقع ہوجاتی ہے جس سے بارشیں ہوتی ہیں۔
لوٹس نے یاتریوں نے احتیاطی اقدام پر عمل کرنے کی تاکید کہ اور انہیں موسم کے متعلق اپ ڈیٹ سے مسلسل باخبر رہنے کی تلقین کی۔
قابل ذکر ہے کہ اب تک زائد از ڈیڑھ لاکھ یاتریوں نے پوتر گھپا کا درشن کیا ہے ۔
۴۳دنوں پر محیط یہ یاترا؍۱۱؍اگست کو رکھشا بندھن کے موقع پر اختتام پذیر ہوگی۔