جموں و کشمیر میں۱۲لاکھ سے زیادہ سمارٹ بجلی میٹر نصب

جموں: حکومت نے بدھ کے روز قانون ساز اسمبلی کو بتایا کہ جموں و کشمیر انتظامیہ نے مرکزی زیر اہتمام اسکیموں کے تحت جموں وکشمیر میں۱۲لاکھ۳۶ہزارلاکھ سے زیادہ اسمارٹ بجلی میٹر نصب کیے ہیں۔
یہ معلومات محکمہ بجلی ڈیولوپمنٹ (پی ڈی ڈی) نے رکن اسمبلی وحید پرہ کے ایک سوال کے تحریری جواب میں فراہم کیں۔۔
محکمے نے کہا کہ یہ تنصیبات پرائم منسٹر ڈویلپمنٹ پیکج (پی ایم ڈی پی) اور ری ویمپڈ ڈسٹری بیوشن سیکٹر سکیم (آر ڈی ایس ایس) کے تحت کی جا رہی ہیں، جس میں پاور ڈویلپمنٹ اینڈ کنسلٹنسی لمیٹڈ (پی ڈی سی ایل) اہم عمل درآمد کرنے والی ایجنسی کے طور پر کام کر رہی ہے۔
انہوں نے کہ ان سمارٹ بجلی میٹروں میں سے کشمیر میں۶لاکھ۹ہزار۱۵ جبکہ صوبہ جموں میں۶لاکھ۲۷ہزار۴سو۹۲ نصب کئے گئے ہیں۔
محکمے کے مطابق کشمیر میں سب سے زیادہ ضلع سری نگر میں۲لاکھ۳۹ہزار ایک سو۴۷ جس کے بعد ضلع بارہمولہ میں۸۷ہزار۷سو۳۲؍اور ضلع اننت ناگ میں۷۷ہزار۹سو۴۳سمارٹ میٹر نصب کئے گئے ہیں۔
صوبہ جموں میں سب سے زیادہ ضلع جموں میں۳لاکھ۴ہزار۴سو۶۸سمارٹ بجلی میٹر نصب کئے گئے ہیں جبکہ اس کے بعد ضلع سانبہ میں۵۸ہزار۷سو۷؍اور ضلع کٹھوعہ میں۵۷ہزار۳سو۲۰سمارٹ بجلی میٹر نصب کئے گئے ہیں۔
محکمہ نے مزید بتایا کہ جموں ڈویژن کے دس اضلاع میں۱۱کے وی فیڈرز پر۱۶۰۰اسمارٹ فیڈر میٹر لگائے گئے ہیں۔
ایک اور سوال کا جواب دیتے ہوئے، محکمے نے واضح کیا کہ سمارٹ میٹر بیورو آف انڈین اسٹینڈرڈز (بی آئی ایس) اور سنٹرل الیکٹرسٹی اتھاریٹی (سی ای اے) کے ذریعہ مقرر کردہ قومی معیارات اور تصریحات کی تعمیل کرتے ہیں۔