نمبرداروں، چوکیداروں کے لیے اعزازیہ میں اضافے کی کوئی تجویز زیر غور نہیں: حکومت

جموں: جموں کشمیر حکومت نے جمعہ کے روز ایوان کو بتایا کہ یونین ٹریٹری میں نمبرداروں اور چوکیداروں کے ماہانہ اعزازیہ میں اضافہ کرنے کی کوئی تجویز زیر غور نہیں ہے۔
واضح رہے کہ نمبردار ۱۵۰۱ روپے ماہانہ وصول کرتے ہیں جبکہ چوکیداروں کو۱۵۰۰روپے ملتے ہیں۔ حکومت نے یہ بھی کہا کہ اعزازیہ میں آخری بار۲۰۱۶ میں اُسی سال۲۷اپریل کو کابینہ کے فیصلے کے بعد نظر ثانی کی گئی تھی۔
حکومت نے کہا کہ نظرثانی میں نمبرداروں کا اعزازیہ۷۵۱روپے سے بڑھا کر۱۵۰۱روپے اور چوکیداروں کا اعزازیہ۷۵۰روپے سے بڑھا کر۱۵۰۰ روپے ماہانہ کر دیا گیا ہے۔
ان کا کہنا ہے کہ کہ فی الحال کسی بھی زمرے کے لیے اعزازیہ بڑھانے کی کوئی تجویز نہیں ہے۔