خشک موسمی صورتحال کے بیچ وادی میں ٹھنڈ کا زور برابر جاری

سرینگر: وادی کشمیر کے پہاڑی علاقوں اور سیاحتی مقامات پر تازہ برف باری کے بیچ ٹھٹھرتی سردیوں کا قہر برابر جاری ہے ۔
کشمیر ویدر کے مطابق گرمائی دارلحکومت سرینگر میں شبانہ درجہ حرارت منفی3.2 ڈگری سینٹی گریڈ ریکارڈ ہوا ہے جہاں گذشتہ شب کا درجہ حرارت منفی1.5 ڈگری سینٹی گریڈ ریکارڈ ہوا تھا۔
وادی کے سیاحتی مقامات گلمرگ اور پہلگام میں کم سے کم درجہ حرارت بالترتیب منفی4.2 ڈگری سینٹی گریڈ اور منفی2.6 ڈگری سینٹی گریڈ ریکارڈ ہوا ہے ۔
شمالی ضلع کپوارہ میں کم سے کم درجہ حرارت منفی2.2 ڈگری سینٹی گریڈ جبکہ گیٹ وے آف کشمیر کے نام سے مشہور قصبہ قاضی گنڈ میں شبانہ درجہ حرارت منفی3.4 ڈگری سینٹی گریڈ ریکارڈ ہوا ہے ۔
جنوبی کشمیر کا ضلع شوپیاں وادی کا سرد ترین علاقہ رہا ہے جہاں کم سے کم درجہ حرارت منفی5.6 ڈگری سینٹی گریڈ ریکارڈ ہوا ہے جبکہ ضلع پلوامہ میں شبانہ درجہ حرارت منفی5.3 ڈگری سینٹی گریڈ اور ضلع اننت ناگ میں شبانہ درجہ حرارت منفی4.7 ڈگری سینٹی گریڈ ریکارد ہوا ہے ۔
شمالی کشمیر کے بارہمولہ اور باندی پورہ اضلاع میں شبانہ درجہ حرارت بالترتیب منفی1.6 ڈگری سینٹی گریڈ اور منفی3.1 ڈگری سینٹی گریڈ جبکہ وسطی کشمیر کے بڈگام اور گاندربل اضلاع میں کم سے کم درجہ حرارت بالترتیب منفی3.8 ڈگری سینٹی گریڈ اور منفی2.6 ڈگری سینٹی گریڈ ریکارڈ ہوا ہے ۔
لداخ یونین ٹریٹری کے لیہہ اور کرگل اضلاع میں شبانہ درجہ حرارت بالترتیب منفی7.0 ڈگری سینٹی گریڈ اور منفی5.1 ڈگری سینٹی گرید جبکہ دراس، جو سائیبریا کے بعد دنیا کا دوسرا سردترین علاقہ ہے ، میں شبانہ درجہ حرارت منفی9.9 ڈگری سینٹی گریڈ ریکارڈ ہوا ہے ۔
محکمہ موسمیات کی پیش گوئی کے مطابق وادی میں۲۱جنوری تک موسم کی کسی بڑی تبدیلی کا کوئی امکان نہیں ہے ۔
دریں اثنا سخت سردیوں اور بھاری برف باری کے لئے مشہور چالیس روزہ چلہ کلاں کے تین حصے بیت جانے بعد سری نگر سمیت دیگر میدانی علاقوں میں آنے والے دنوں کے دوران طویل خشک موسمی صورتحال کا سلسلہ ختم ہونے کا امکان ہے ۔
محکمہ موسمیات کے ایک ترجمان کے مطابق وادی میں۱۸جنوری کو موسم ابر آلود رہنے کے ساتھ پہاڑی علاقوں میں کہیں ہلکی برف یا بارشوں کا امکان ہے ۔
ترجمان نے کہا کہ اس کے بعد ایک کمزور مغربی ہوا کے زیر اثر وادی میں۱۹اور۲۰جنوری کو موسم عام طور پر ابر آلود رہ سکتا ہے اور اس دوران وسیع پیمانے پر ہلکی سے درمیانی درجے کی برف باری یا بارشیں ہوسکتی ہے ۔
ان کا کہنا ہے کہ وادی میں۲۱جنوری کو موسم جزوی سے عام طور پر ابر آلود رہنے کے ساتھ پہاڑی علاقوں میں کہیں کہیں ہلکی برف باری کا امکان ہے ۔
ترجمان نے بتایا کہ بعد میں۲۲جنوری کو ایک مضبوط مغربی ہوا کے داخل ہونے کے نتیجے میں۲۵ جنوری تک بیشتر مقامات پر ہلکی سے درمیانی درجے کی برف باری یا بارشوں کا امکان ہے جس کا زیادہ اثر۲۳؍اور۲۴جنوری کو رہ سکتا ہے ۔ انہوں نے کہا کہ اس دوران پیر پنچال اور چناب وادی کے کچھ اضلاع اور جنوبی کشمیر کے اضلاع میں درمیانی سے بھاری برف باری کا امکان ہے ۔
ان کا کہنا ہے کہ۲۶جنوری کو موسم ابر آلود رہ سکتا ہے اور اس دوران کہیں کہیں ہلکے درجے کا برف وباراں متوقع ہے ۔
محکمے نے اپنی ایڈوائزری میں کہا کہ اس دوران خاص طور پر۱۹؍اور۲۰جنوری اور بعد میں۲۲سے۲۴جنوری تک مغل روڈ، سنتھن ٹاپ، سادھنا پاس، زوجیلا اور رازدان ٹاپ اور دیگر پہاڑی علاقوں میں ٹرانسپورٹ کی نقل و حمل متاثر رہ سکتی ہے ۔
مسافروں سے کہا گیا ہے کہ وہ خاص طور پر۲۳؍اور۲۴جنوری کو محکمہ ٹریفک اور انتظامیہ کی طرف سے جاری ایڈوائزرز کے مطابق اپنے سفر کا منصوبہ بنائیں جبکہ کسانوں سے کہا گیا ہے کہ وہ اس دوران کاشتکاری سے متعلق کام بند رکھیں۔ انہوں نے کہا کہ اس دوران کچھ علاقوں میں تیز ہوائیں چلنے اور کہیں کہیں لینڈ سلائیڈنگ کے بھی خطرات ہیں۔
ترجمان کا کہنا ہے کہ جموں صوبے میں آنے والے دنوں کے دوران دھند میں کمی واقع ہونے کا امکان ہے اور درجہ حرارت میں بھی اضافے کی توقع ہے ۔