فرق……واضح فرق !

فرق ہے‘یقیناً کوئی فرق ہے ……کوئی فرق ہو گا جو انگریز ہم سے آگے ہیں……اب انگریز سے مراد انگریزی بولنے والے ہی نہیں بلکہ گوری چمڑے والے ہیں……پھر چاہے انہیں انگریزی آتی ہو یا نہیں کہ ہم تو ہر ایک گوری چمڑی سے فراطے دار انگریزی بولنے کی توقع رکھتے ہیں……لیکن صاحب ایسا نہیں ہے‘بالکل بھی نہیں ہے کہ ایسے گوری چمڑی والوں کی کوئی کمی نہیں ہے…… بالکل بھی نہیں ہے‘ جو انگریزی زبان سے اتنے ہی ناواقف ہیں جتنے ہم…… خیر! بات جو آپ سے کرنی ہے ‘ جو بات آپ سے کہنی ہے وہ یہ ہے کہ یقینا گوری چمڑی اور ہم میں فرق ہے اور یہی فرق انہیں ہم سے آگے لے جاتی ہے…… ہر ایک میدان میں یہ ہم سے سبقت لیتے ہیں……اخلاقیات میں بھی …… جی ہاں اخلاقیات۔ گوا میں گزشتہ ماہ ایک کلب میں آگ لگنے سے ۲۵ لوگوں کی موت ہوئی اور…… یقین کیجئے کی یہ کوئی چھوٹی موٹی تعداد نہیں ہے…… بالکل بھی نہیں ہے ۔ ابھی اس آگ کی راکھ سے دھواں ہی اٹھ رہا تھا …… لاشیں راکھ سے۔ ملبے سے نکالی بھی نہیں گئی تھیں کہ اس کے مالک فرار ہو گئے …… ملک چھوڑ کر بینکاک پہنچ گئے ……اب کی بار ثابت ہوا کہ …… کہ قانون کے ہاتھ سچ میں لمبے ہو تے ہیں سو……سو دونوں ملزمین کو پکڑ کر ملک واپس لایا گیا اور اس وقت وہ جیل میں ہیں…… اس واردات میں کیا ان کا کوئی ہاتھ تھا ، ان کی طرف سے کوئی کوتاہی ہو تی ……یہ بعد کی بات ہے …..پہلی بات یہ ہے کہ یہ دونوں ملک سے فرار کیوں ہو گئے کہ…… کہ اخلاقیات کا تقاضا تھا کہ…… کہ یہ دونوں پہلی فرصت میں جائے واردات پر پہنچ جاتے……بھاگ نہیں جاتے ۔ بالکل بھی نہیں جاتے ۔نئے سال کے موقع پر سیوٹزر لینڈ کے ایک شراب خانے میں بھی آگ لگ گئی اور دیکھتے ہی دیکھتے ۴۰ لوگ مارے گئے …… وہ بھی راکھ کے ڈھیر میں بدل گئے ……شراب خانے کے مالکان دم دبا کر بھاگ نہیں گئے ، فرار نہیں ہو گئے …… بلکہ تحقیقات میں پولیس کا تعاون دینے کا عہد کیا…… ساتھ میں انہوں نے یہ بھی کہا کہ یہ اس حادثے کی وجہ سے کچھ کھاپاتے ہیں ……اور نہ ……اور نہ سو پاتے ہیں ۔اور اس لئے نہیں سو پاتے ہیں کیوںکہ …… کیونکہ فرق ہے…… واضح فرق ۔ان میں اور ہم میں اور اللہ میاں کی قسم یہ واضح فرق انہیں ہم سے ممتاز بناتی ہے ……وہ ہم سے سبقت  لیتے ہیں …… ہر ایک میدان میں ……اور ہاںاخلاقیات میں بھی ۔ ہے نا؟