بارہمولہ میں غباروں کے ساتھ بندھا پاکستانی پرچم بر آمد

سرینگر/۲۴دسمبر
حکام نے بتایا کہ فوج نے شمالی کشمیر کے ضلع بارہمولہ میں پاکستانی پرچم لگے تقریباً دس غباروں کو برآ مد کیا ہے ۔
حکام نے کہا کہ یہ غبارے گذشتہ شام بارہمولہ کے خادنیار علاقے میں ایک پہاڑی پر پائے گئے تھے جن کو فوج کی ایک پارٹی نے معمول کی گشت کے دوران دیکھا تھا۔
ان کا کہناتھا’’غباروں اور پرچم کو فوری طور بر ضبط کیا گیا اور ان کو مزید جانچ کے لئے فوج نے اپنی تحویل میں لے لیا‘‘۔
ادھر سیکورٹی ایجنسیوں نے یہ جاننے کیلئے تفتیش شروع کر دی ہے کہ آیا یہ غبارے لائن آف کنٹرول کے اُس پار سے آئے تھے ، جو بر آمدگی کی جگہ سے ۷۰کلو میٹر سے زیادہ دوری پر واقع ہے ، یا یہ مقامی سطح کے ہی ہیں۔