اسکول وین حادثے کا شکار، دو طالبات کی موت

کوٹا، یکم نومبر (یو این آئی) راجستھان کے کوٹا ضلع کے اٹاوہ تھانہ علاقے میں ہفتہ کے روز ایک اسکول وین اور گاڑی کے درمیان تصادم میں دو طالبات ہلاک ہو گئیں، جبکہ پانچ سے زائد افراد زخمی ہوئے ہیں۔پولیس ذرائع نے بتایا کہ ایک نجی اسکول وین صبح تقریباً ساڑھے سات بجے بچوں کو لے کر جا رہی تھی کہ گینتا اور اٹاوہ کے درمیان مخالف سمت سے آ رہی ایک بولیرو کار سے ٹکرا گئی، جس کے نتیجے میں دونوں گاڑیاں پلٹ گئیں۔
اس حادثے میں دو طالبات، تنو دھاکڑ (15) اور پارول آریہ (8) کی موت ہو گئی۔ وین میں سوار دیگر چار بچے ، ڈرائیور اور گاڑی میں سفر کر رہا ایک شخص زخمی ہو گیا۔ حادثے کی اطلاع ملتے ہی قرب و جوار کے دیہی باشندے اور پولیس موقع پر پہنچ گئے اور زخمیوں کو اٹاوہ کے سرکاری اسپتال میں داخل کرایا، چار بچوں کی حالت نازک ہونے کی وجہ سے انہیں کوٹا منتقل کیا گیا ہے ۔ حادثے کے بعد بولیرو کار کا ڈرائیور فرار ہو گیا، پولیس حادثے کی تفتیش کر رہی ہے ۔