شاہ نے کانکیر ضلع میں 21 نکسلیوں کے خودسپردگی کی ستائش کی

نئی دہلی، 27 اکتوبر (یو این آئی) مرکزی وزیر داخلہ امت شاہ نے چھتیس گڑھ کے کانکیر ضلع میں 21 نکسلیوں کے خودسپردگی کی ستائش کی ہے ۔
پیر کو سوشل میڈیا پلیٹ فارم ‘ایکس’ پر ایک پوسٹ میں مسٹر شاہ نے کہا کہ یہ بڑی خوشی کی بات ہے کہ چھتیس گڑھ کے کانکیر ضلع میں 21 نکسلیوں نے اپنے ہتھیاروں کے ساتھ خودسپردگی کی ہیں۔ انہوں نے کہا کہ خودسپردگی کرنے والے 21 میں سے 13 نکسلائیٹ اعلیٰ کیڈر کے تھے ۔
مسٹر شاہ نے کہا کہ وہ ان نکسلائٹس کی تعریف کرتے ہیں کہ وہ مرکزی دھارے میں شامل ہوئے اور مودی حکومت کی کال پر تشدد ترک کر دیا۔ انہوں نے کہا کہ وہ دوسرے نکسلیوں سے دوبارہ اپیل کرتے ہیں کہ وہ جلد از جلد ہتھیار ڈال دیں۔
وزیر داخلہ نے کہا کہ مرکزی حکومت 31 مارچ 2026 تک نکسل ازم کو مکمل طور پر ختم کرنے کے لیے پرعزم ہے ۔
قابل ذکر ہے کہ چھتیس گڑھ پولیس کے "پونا مارگام: بحالی کے ذریعے نئی زندگی” پہل کے تحت، 21 نکسل کیڈروں نے اتوار کو بستر رینج کے کانکیر ضلع میں سماج کے مرکزی دھارے میں شامل ہونے کے لیے خودسپردگی کی۔ خودسپردگی کرنے والوں میں 13 خواتین اور آٹھ مرد شامل ہیں۔
ان تمام کیڈرز کا تعلق کیشکل ڈویژن (نارتھ سب زونل بیورو) کی کویماری/کسکوڈو ایریا کمیٹی سے ہے ۔ ڈویژن کمیٹی کے سکریٹری مکیش بھی ان میں شامل ہیں۔ ہتھیار ڈالنے والوں میں چار ڈویژن وائس کمیٹی ممبران، نو ایریا کمیٹی ممبران اور آٹھ پارٹی ممبران شامل ہیں۔