آر ایس پورہ سیکٹر میں۳ء۵کلو مشتبہ ہیروئن بر آمد:بی ایس ایف

جموں/۲۷؍اکتوبر
اسمگلنگ کے خلاف ایک بڑی کارروائی میں بارڈر سیکورٹی فورس (بی ایس ایف) کے اہلکاروں نے جموں کے آر ایس پورہ سیکٹر میں۳ء۵کلو مشتبہ ہیروئن بر آمد کی ہے ۔
بی ایس ایف کے ایک ترجمان نے بتایا کہ انٹیلی جنس پر عمل کرتے ہوئے ، بی ایس ایف کے دستوں نے پاکستان میں مقیم اسمگلروں کی جانب سے ہندوستانی علاقے میں منشیات کو دھکیلنے کی ایک اور کوشش کو ناکام بنا دیا۔
ترجمان نے کہا’’۲۶؍اکتوبر۲۰۲۵کو بی ایس ایف انٹیلی جنس سے موصول ہونے والی مخصوص اطلاع پر آر ایس پورہ سیکٹر میں ایک خصوصی آپریشن کا مںصوبہ کیا گیا اور ناکہ لگا دیا گیا‘‘۔
ان کا کہنا تھا’’بدی پور گائوں کے قریب۲۷ ؍اکتوبر ۲۰۲۵کی صبح کے اوقات میں شروع کی گئی تلاشی مہم کے دوران الرٹ بی ایس ایف کے اہلکاروں نے تقریباً ۳۰۰ء۵کلو گرام وزنی پیلے رنگ کے دو پیکٹ (جن میں۱۰ چھوٹے پیکٹ لپٹے ہوئے تھے ) برآمد کیے ‘‘۔
بی ایس ایف ترجمان نے بتایا کہ یہ ممنوعہ مواد بدی پور کے قریب کھیت سے بر آمد کیا گیا۔
ترجمان نے کہا’’یہ مواد ہیروئن ہونے کا شبہ ہے ، ایسا لگتا ہے کہ اسے سرحد پار سے ڈرون کے ذریعے گرایا گیا ہے ‘‘۔ان کا کہنا ہے کہ علاقے میں وسیع پیمانے پر تلاشی آپریشن جاری ہے اور پولیس کو مزید ضروری کارروائی کے لئے طلب کیا گیا ہے ۔
ترجمان نے کہا کہ بی ایس ایف سرحدوں اور قوم کی حفاظت کے اپنے مشن میں ثابت قدم ہے ۔ایجنسیز