سجاد لون نے راجیہ سبھا کے نتائج کو ‘فکسڈ میچ’ قرار دیا

سرینگر/۲۴؍ اکتوبر
پیپلز کانفرنس(پی سی) کے صدر اور ہندوارہ ایم ایل اے سجاد غنی لون نے جموں و کشمیر کے حالیہ راجیہ سبھا انتخابات کی شدید تنقید کرتے ہوئے انہیں نیشنل کانفرنس اور بی جے پی کے درمیان ‘‘فکسڈ میچ’’ قرار دیا۔
لون نے سوشل میڈیا پر لکھا’’تو بی جے پی نے چوتھی نشست جیت لی۔ جیسا کہ پیش گوئی کی گئی … فکسڈ میچ۔ برائی کا محور ‘ نیشنل کانفرنس اور بی جے پی۔ خدا کا شکر کہ میں نے حصہ نہیں لیا۔ تصور کریں میری کیا حالت ہوتی‘‘۔
پی سی صدر نے دعویٰ کیا کہ ووٹنگ کے نتائج ایک پہلے سے طے شدہ سمجھوتے کی نشاندہی کرتے ہیں اور یہ سوال اٹھایا کہ نیشنل کانفرنس نے تیسرے امیدوار کے لیے اضافی ووٹ کیوں دیے، حالانکہ صرف ۲۸ یا۲۹ ووٹ کافی تھے۔ انہوں نے کراس ووٹنگ، کالعدم بیلٹس، اور ممکنہ ’ہاتھ میں ہاتھ‘ کی کارروائی کے حوالے سے مکمل جانچ کا مطالبہ کیا۔
۔۔۔۔۔۔۔۔۔۔