بڈگام میں منشیات فروش گرفتار، ممنوعہ مواد بر آمد: پولیس

سرینگر/۲۳؍اکتوبر
منشیات کے خلاف کریک ڈائون کو جاری رکھتے ہوئے پولیس نے وسطی ضلع بڈگام میں ایک منشیات فروش کو گرفتار کرکے اس کی تحویل سے چرس جیسا ممنوعہ مواد بر آمد کیا ہے ۔
ایک پولیس ترجمان نے اپنے ایک بیان میں کہا کہ پولیس پوسٹ سویہ بگ کی ایک ٹیم نے وار پورہ گلوان پورہ کراسنگ پر ایک ناکہ لگا دیا۔
ترجمان نے کہا کہ اس دوران ایک پیسنجر آٹو کو روکا گیا۔ ان کا کہنا ہے کہ تلاشی کے دوران آٹو میں رکھے گئے ایک بیگ سے۳۷۶گرام پسا ہوا چرس جیسا ممنوعہ مواد اور۲۷گرام ایسا ہی کچھ مواد بر آمد کیا گیا۔
پولیس ترجمان نے بتایا کہ آٹو ڈرائیور کی شناخت ہلال احمد شیخ ولد بشیر احمد شیخ ساکن چودری باغ سبدن کے طور پر کی گئی۔ انہوں نے کہا کہ اس کو گرفتار کیا گیا اور آٹو کو بھی ضبط کیا گیا۔
ترجمان نے کہا کہ اس سلسلے میں پولیس اسٹیشن بڈگام میں این ڈی پی ایس ایکٹ کی متعلقہ دفعات کے تحت زیر ایف آئی آر نمبر۲۰۲۵/۲۹۵؍ایک مقدمہ درج کیا گیا اور مزید تحقیقات شروع کی گئی۔