مودی نے دیوالی کی پرتپاک نیک تمناؤں کے لیے ٹرمپ کا شکریہ ادا کیا، ہند-امریکہ کے مضبوط تعلقات پر روشنی ڈالی

نئی دہلی، 22 اکتوبر (یو این آئی) وزیر اعظم نریندر مودی نے بدھ کو امریکی صدر ڈونالڈ ٹرمپ کی حالیہ ٹیلی فونک گفتگو کے دوران دیوالی کی نیک خواہشات کے لئے ان کا شکریہ ادا کیا۔
وزیر اعظم مودی نے ایکس’ پر اظہار تشکر کرتے ہوئے کہا، "صدر ٹرمپ، آپ کی فون کال اور دیوالی کی پرتپاک خواہشات کے لیے آپ کا شکریہ۔ روشنیوں کے اس تہوار پر، ہماری دونوں عظیم جمہوریتیں دنیا کے لیے امید کی کرن بنیں اور دہشت گردی کے خلاف ہر طرح سے متحد رہیں”۔
اس تبادلے نے ہندوستان اور امریکہ کے درمیان مضبوط شراکت داری، خاص طور پر انسداد دہشت گردی کی کوششوں میں ان کے تعاون کو اجاگر کیا۔ مسٹر مودی کے پیغام نے دہشت گردی کے خلاف جاری لڑائی کے درمیان عالمی امن و سلامتی کو فروغ دینے کے لیے ہندوستان کے عزم کا اعادہ کیا۔
دیوالی، جو روشنیوں کے تہوار کے طور پر منائی جاتی ہے ، ہندوستان میں گہری ثقافتی اہمیت رکھتی ہے ، جو اندھیرے پر روشنی اور برائی پر اچھائی کی جیت کی علامت ہے ۔ ٹرمپ کے ساتھ، اسرائیلی وزیر اعظم بینجمن نیتن یاہو اور برطانوی وزیر اعظم کیئر اسٹارمر جیسے دیگر عالمی رہنماؤں نے بھی ہندوستان اور دنیا بھر میں اس کی تارکین وطن برادریوں کو مبارکباد پیش کی۔
ہند-امریکہ تعلقات نے حالیہ برسوں میں نمایاں طور پر ترقی کی ہے ، جس کی خصوصیت تجارت، دفاع اور تکنیکی اختراع میں بڑھتا تعاون ہے ۔
اس ہفتے کے شروع میں وائٹ ہاؤس میں صدر ٹرمپ کی دیوالی کی تقریبات نے دو طرفہ تعلقات کی اہمیت کو مزید اجاگر کیا۔