راجیہ سبھا انتخابات: این سی کے ۴؍ امیدواروں نے کاغذاتِ نامزدگی جمع کرائے

سرینگر/۱۳؍اکتوبر
نیشنل کانفرنس (این سی) کے چار امیدواروں نے پیر کے روز جموں و کشمیر میں ۲۴؍ اکتوبر کو ہونے والے راجیہ سبھا انتخابات کے لیے اپنے کاغذاتِ نامزدگی جمع کرائے۔
سابق وزیر چودھری محمد رمضان، سابق وزیرِ مملکت سجاد کچلو، اور پارٹی کے خزانچی شمی اوبرائے نے دن کے آغاز میں اپنے کاغذاتِ نامزدگی جمع کرائے، جبکہ عمران نبی ڈار آخری امیدوار کے طور پر سامنے آئے جنہوں نے دن کے اختتام پر اپنے کاغذات داخل کیے۔
اس سے قبل بھارتیہ جنتا پارٹی (بی جے پی) کے تین امیدوار بھی راجیہ سبھا انتخابات کیلئے کاغذاتِ نامزدگی جمع کر چکے ہیں۔
الیکشن کمیشن آف انڈیا نے جموں کشمیر کی چار راجیہ سبھا نشستوں کے لیے تین نوٹیفکیشن جاری کیے ہیں‘ دو نشستوں پر انتخابات الگ سے کرائے جائیں گے جبکہ دیگر دو نشستوں کے لیے مشترکہ نوٹیفکیشن کے تحت ووٹنگ ہوگی۔
موجودہ قانون ساز اسمبلی میں ۸۸؍ ایم ایل ایز کی مؤثر تعداد کے ساتھ، بی جے پی جس کے پاس ۲۸؍ ایم ایل ایز ہیں، کے لیے صرف ایک نشست جیتنے کا حقیقت پسندانہ امکان ہے۔ دیگر دو نشستوں پر کامیابی کے لیے اسے غیر بی جے پی ایم ایل ایز کی حمایت یا ان کے ووٹ سے غیر حاضری درکار ہوگی۔