سابق وزیر اعلیٰ فاروق عبداللہ اسپتال میں داخل

سرینگر/۴؍اکتوبر
نیشنل کانفرنس کے صدر اور جموں کشمیر کے سابق وزیر اعلیٰ ڈاکٹر فاروق عبداللہ کو طبیعت ناساز ہونے کے باعث ہفتے کے روز سری نگر کے ایک نجی اسپتال میں داخل کیا گیا۔
پارٹی ذرائع کے مطابق۸۷ سالہ فاروق عبداللہ کو چند روز سے طبی مشکلات لاحق تھیں اور اس ہفتے کے اوائل میں ان کے پیٹ میں انفیکشن پیدا ہوا جس کے بعد انہیں علاج کے لیے اسپتال لے جایا گیا۔
ایک پارٹی رہنما نے بتایا’’وہ گزشتہ چند دنوں سے ٹھیک محسوس نہیں کر رہے تھے، تاہم اب ان کی حالت میں بہتری آ رہی ہے۔ توقع ہے کہ انہیں آج شام یا کل تک اسپتال سے فارغ کر دیا جائے گا۔‘‘