فلموں کی دھار دہشت گردی پر وار کرسکتی ہے: نقوی

ممبئی، //مرکزی کابینہ کے وزیر اور راجیہ سبھا میں ڈپٹی لیڈر مختار عباس نقوی نے آج یہاں کہا کہ ”فلموں کی دھاردہشت گردی پر وارکرسکتی ہے“ آج ممبئی میں پی ایچ ڈی چیمبر آف کامرس اینڈ انڈسٹری کے زیر اہتمام پانچویں گلوبل فلم ٹورازم کانکلیو سے خطاب کرتے ہوئے مسٹر نقوی نے کہا کہ ہندوستان اور دنیا کے مختلف ممالک میں بنی دہشت گردی، تشدد، سخت گیری کی وبا پر گہرا حملہ کرنے والی فلموں نے کئی مرتبہ یہ ثابت کرکے دکھایا ہے۔ آج کے ماحول میں تفریح کے ساتھ پیغام دینے والی فلموں کی ضرورت ہے۔
وزیر موصوف نے کہ ہندوستانی فلم صنعت کا عوام سے شروع ہونے والا کامیاب سفر خاص لوگوں تک محدود نہیں ہونا چاہئے۔ ہندوستانی فلموں دنیا، سارے عالم کے بہترین ہنر مند اور فن کے شیدائیوں کا کنبہ ہے۔ ہمیں اس بہترین وراثت سے بھرپور بھارتیہ سنیما کو اول درجے پر لے جانا ہے۔
انہوں نے مزید کہا کہ ہندوستان وہ واحد ملک ہے جہاں ہر طرح کا موسم، ماحول، تہذیب و ثقافت، گرمی سردی، موسم باراں، پہاڑ، ندیاں، آبشار، سمندر، جنگل خوب صورت گاؤں، بہترین تاریخی ثقافت، سب کچھ موجود ہے جو کسی بھی عالمی معیار کی فلم نانے کی سبھی ضرورتوں کو پورا کرے ہیں۔
مسٹرنقوی نے کہا کہ مودی سرکار نے بھارت کو دنیا کا بہترین فلم پروڈکشن ڈیسٹی نیشن بنانے کے لئے کئی اقدامات کئے ہیں جن میں بھارت میں غیرملکی فلموں کے پروڈکشن کے لیے مختلف انداز میں اقتصادی حوصلہ افزائی اور دیگر سہولیات شامل ہیں۔
انہوں نے کہا کہ ہندوستانی فلمی صنعت کو لوکل سے گلوبل کے پہلے زینے پر لانے کے لئے کلاسیس سے اوپر ماسیس یعنی ماسیس کی پہلی پسند بنانا ہوگی تب کہیں جاکر ہندوستانی فلم صنعت کے وقار کی شناخت کامیاب ہوگی۔
انہوں نے کہا کہ ہمارے پاس بہترین ڈائریکٹر، فلمیں بنانے والے، فن کار، ٹینیشین، مقامات، فلمیں دیکھنے والے اور قومی و بین اقوامی بازار ہیں۔ یہ سبھی سہولیات اور ذرائع بھارت کو سنیما دنیا کا تاجدار بنانے کی طاقت رکھتے ہیں۔
اس موقع پر اروند سنگھ، سکریٹری، مرکزی وزارت سیاحت؛ شری رویندر بھاکر، سی ای او، سنٹرل بورڈ آف فلم سرٹیفیکیشن؛ ڈاکٹر سوجیت کمار دتہ، سکریٹری، اینیمل ویلفیئر بورڈ آف انڈیا؛ مکیش گپتا، چیئرمین، انٹرٹینمنٹ، میڈیا کمیٹی، پی ایچ ڈی چیمبر آف کامرس اینڈ انڈسٹری؛ پی ایچ ڈی چیمبر آف کامرس اینڈ انڈسٹری کے ڈاکٹر یوگیش سریواستو؛ راجن سہگل، شریک چیئرمین، ٹورازم کمیٹی، پی ایچ ڈی چیمبر آف کامرس اینڈ انڈسٹری؛ تجربہ کار بالی ووڈ اداکار رندھیر کپور، معروف فلم ساز، ہدایت کار انیس بزمی، راہل رویل اور انل شرما، معروف فنکار منوج جوشی، مختلف ممالک کے سفارت کار، ملکی اور بین الاقوامی فلم انڈسٹری کی دیگر نامور شخصیات، مختلف ممالک کے فلم رائٹرز، فلم پروڈکشن ہاؤسز، ایڈورٹائزنگ کمپنیاں، سیاحتی اداروں کے نمائندے وغیرہ موجود تھے۔