وزیر خارجہ جے شنکر آج برکس کی ورچوئل سمٹ میں ہندوستان کی نمائندگی کریں گے

نئی دہلی، 8 ستمبر (یو این آئی) وزیر خارجہ ایس جے شنکر آج برکس کی ورچوئل سمٹ میں ہندوستان کی نمائندگی کریں گے ۔ اس ورچوئل سمٹ کی میزبانی برازیل کے صدر لوئس اناسیو لولا دا سلوا کر رہے ہیں، جس میں ٹرمپ ٹیرف پر تبادلہ خیال کیا جا ئے گا۔
یہ سربراہی اجلاس آج شام 4.30 بجے منعقد ہونے والا ہے ۔
برکس کے موجودہ صدر برازیل کی طرف سے یہ سربراہی اجلاس بلایا گیا ہے ، جس میں تجارتی رکاوٹوں اور امریکی صدر ڈونالڈ ٹرمپ کی طرف سے عائد کی جانے والی وسیع ٹیرف پر تبادلہ خیال کیا جانے والا ہے ۔ ڈونالڈ ٹرمپ نے ہندوستان اور برازیل پر 50 فیصد ٹیرف عائد کیا ہے ۔
یہ ورچوئل اجلاس قائدین کی سطح پر ہو رہا ہے ۔ اس کا بنیادی مقصد یہ ہے کہ برکس کے رکن ممالک ٹرمپ کی خلل انداز ٹیرف پالیسیوں کے جواب میں مشترکہ نقطہ نظر اختیار کیا جائے ۔