شوپیاں میں بھیڑ چور گینگ کا پردہ فاش‘دو ملزم گرفتا:پولیس

ایک فیصلہ کن کارروائی میں، شوپیاں پولیس نے بھیڑوں کی چوری کے دو الگ الگ معاملوں کو حل کرکے دو ملزموں کو گرفتار کیا اور ۵۱چوری شدہ بھیڑیں برآمد کیں۔
ایک پولیس ترجمان نے اپنے ایک بیان میں کہا کہ شوپیاں پولیس نے ایف آئی آر نمبر ۲۰۲۵/۱۸۰کی تحقیقات کے دوران بر وقت کارروائی کرتے ہوئے مشتبہ افراد پر قابو پا لیا، اور۴۴مسروقہ بھیڑیں کامیابی سے برآمد کیں۔
ترجمان نے کہا کہ چوری میں ملوث دو ملزموں کو گرفتار کیا گیا جن کی شناخت غلام محمد ڈار ولد غلام قادر ڈار اور محمد یوسف ڈار ولد غلام محمد ڈار ساکنان جوالا پورہ بڈگام کے طور پر ہوئی ہے ۔
بیان میں کہا گیا کہ پولیس نے ایف آئی آر نمبر۲۰۲۵/۱۸۳کی تحقیقات کے دوران مزید۷بھیڑیں بر آمد کیں۔ انہوں نے کہا کہ گینگ کے دیگر ارکان کی گرفتاری کے لیے کوششیں جاری ہیں جو کہ مفرور ہیں۔
ان کا کہنا تھا کہ اس ضمن میں تفتیش جاری ہے اور مزید اعترافات کی توقع ہے