بابر اعظم نے 2 کاؤنٹی ٹیموں کی پیشکش ٹھکرا دی

کاؤنٹی چیمپئن شپ کے لیے 2 کاؤنٹیز نے پاکستانی کرکٹر بابراعظم سے رابطہ کیا ہے۔ ذرائع کے مطابق بابراعظم کو کاؤنٹی چیمپئن شپ کے بقیہ میچز کھیلنے کی پیشکش کی گئی ہے، کرکٹر بابراعظم نے چند وجوہات کے باعث پیشکش قبول نہیں کی۔
ذرائع کے مطابق چند میچز کے عوض بابراعظم کا سالانہ 2 لیگز کے لیے این اوسی کوٹہ مکمل ہو جائے گا، اس لیے بابر نے پیشکش قبول نہیں، بابراعظم بگ بیش کے ساتھ کسی اور لیگ کے مکمل میچز کھیلنے کے خواہشمند ہیں، بابراعظم کا دیگر لیگز سے بھی رابطہ ہو رہا ہے۔ خیال رہے کہ تین ملکی ٹی 20 سیریز اور ایشیا کپ کے لیے اعلان کردہ پاکستانی سکواڈ میں بابر اعظم، محمد رضوان اور نسیم شاہ شامل نہیں ہیں