رونالڈو ایک اور منفرد اعزاز حاصل کرنے میں کامیاب

پرتگال سے تعلق رکھنے والے عالمی شہرت یافتہ فٹبالر کرسٹیانو رونالڈو ایک اور اہم اعزاز حاصل کرنے میں کامیاب ہوگئے۔ النصر کی جانب سے سعودی سپرکپ کے فائنل میچ میں عالمی شہرت یافتہ فٹبالر کرسٹیانو رونالڈو نے الاہلی کے خلاف گول کیا، وہ اپنی ٹیم کو تو نہ جتواسکے تاہم انہوں نے ایک تاریخی سنگ میل عبور کرلیا۔
رپورٹس کے مطابق رونالڈو کا یہ النصرکلب کے لیے 100واں گول تھا۔ اس طرح رونالڈو نے 4 مختلف کلبوں کی نمائندگی کرتے ہوئے 100 یا زائد گول کرنے والے پہلے فٹبالر کا اعزاز حاصل کرلیا۔ اُنہوں نے ریال میڈرڈ کے لیے 450، مانچسٹر یونائیٹڈ کے لیے145، یوونٹس کے لیے 101 اور النصر کے لیے 100 گول کیے ہیں۔ واضح رہے کہ رونالڈو بین الاقوامی سطح پر سب سے زیادہ گول کرنے والےکھلاڑی بھی ہیں، انہوں نے پرتگال کی قومی ٹیم کے لیے 138 گولز کر رکھے ہیں۔
بی سی سی آئی پاکستان کے ساتھ کرکٹ تعلقات سے گریز کرے:گوگوئی
گوہاٹی، 25 اگست (یو این آئی) لوک سبھا میں اپوزیشن کے ڈپٹی لیڈر اور آسام کانگریس کے سربراہ گورو گوگوئی نے بی سی سی آئی پر زور دیا ہے کہ وہ اس وقت تک پاکستان کے ساتھ کرکٹ تعلقات سے بچنے کے لیے واضح موقف اختیار کرے جب تک کہ حالات سازگار اور ملک کے مفاد میں نہ ہوں۔
گوگوئی نے یہ بات بی سی سی آئی کے سکریٹری دیوجیت سائکیا کو ایک خط میں پاکستان کے خلاف ہندوستانی کرکٹ ٹیم کے میچوں پر تشویش کا اظہار کرتے ہوئے کہی۔
گوگوئی نے بی سی سی آئی سکریٹری کو تحریر کردہ اپنے خط میں لکھا ہے کہ میں ہندوستانی کرکٹ ٹیم کی پاکستان کے خلاف میچوں میں شرکت کے حوالے سے اپنی گہری تشویش کا اظہار کرنے کے لیے لکھ رہا ہوں۔ جب کہ کرکٹ ہمیشہ سے ایک ایسا کھیل رہا ہے جو لوگوں میں خوشی لاتا ہےموجودہ ہندوستان اور پاکستان کے تعلقات کے تناظر میں اس طرح کے تعلقات کو قومی مفاد پر ترجیح نہیں دی جانی چاہئے۔انہوں نے کہا کہ سرحد پار کشیدگی اب بھی برقرار ہے اور ہم سب اپنی مسلح افواج کی قربانیوں سے واقف ہیں۔ایسے حالات میں پاکستان کے ساتھ دو طرفہ کرکٹ کھیلنا قومی مفاد کے منافی نظر آتا ہے۔۔ یہاں تک کہ ہمارے معزز وزیر اعظم نے بھی کہا کہ پانی اور خون ایک ساتھ نہیں بہہ سکتے۔ اس مرحلے پر پاکستان کے ساتھ کرکٹ تعلقات قائم کرنا ایک پیغام دیتا ہے جو کہ ملک کے لوگوں کے جذبات کو مجروح کرتا ہے۔ "موجودہ حالات میں کرکٹ تعلقات کو دوبارہ شروع کرنے سے سیکورٹی اور سفارت کاری کے حوالے سے ہمارے قومی خدشات کی سنجیدگی کم ہو سکتی ہے۔انہوں نے درخواست کرتے ہوئے کہا کہ بورڈ آف کنٹرول فار کرکٹ ان انڈیا (بی سی سی آئی) کو پاکستان کے ساتھ کرکٹ کی مصروفیات سے بچنے کے لیے واضح موقف اختیار کرنا چاہیے جب تک کہ حالات سازگار اور ملک کے مفاد نہ ہوں۔گوگوئی نے مزید کہا، "عالمی فورمز اور دو طرفہ تعلقات میں ہندوستان کا موقف اتحاد، طاقت اور ہماری خودمختاری اور سلامتی کے لیے اعلیٰ ترین احترام کی عکاسی کرتا ہے۔