نیوزی لینڈ کے خلاف پہلے تین ون ڈے کے لیے عاقب نبی ہندوستانی ٹیم میں شامل

کرائسٹ چرچ، 31 اکتوبر (یواین آئی) نیوزی لینڈ کے خلاف 4 نومبر سے شروع ہونے والی پانچ میچوں کی ون ڈے سیریز کے پہلے تین مقابلوں کے لیے ہندوستانی ٹیم میں تیز گیندباز عاقب نبی کو بھی شامل کر لیا گیا ہے۔ وہ پہلے صرف چوتھے اور پانچویں ون ڈے کے لیے ٹیم کا حصہ تھے۔
دائیں ہاتھ کے تیز گیندباز عاقب نبی اب پانچوں ون ڈے کے لیے ہندوستانی ٹیم کے ساتھ دستیاب رہیں گے۔ یہ تبدیلی پرسدھ کرشنا کے پوری سیریز سے باہر ہونے کے بعد کی گئی ہے۔ کرشنا فٹنس مسائل کے باعث ابتدائی مقابلوں کے لیے دستیاب نہیں ہوں گے۔
عاقب نبی ہندوستان کی ٹی20 ٹیم کا حصہ نہیں تھے، تاہم وہ نیوزی لینڈ میں انڈیا اے ٹیم کے ساتھ موجود تھے۔ انہوں نے میزبان نیوزی لینڈ اے کے خلاف پہلے غیر سرکاری ٹیسٹ میں حصہ لیا تھا، جبکہ 31 اکتوبر سے شروع ہونے والے دوسرے میچ کے لیے انڈیا اے کی ٹیم میں ان کا نام شامل نہیں تھا۔ نبی نے اب تک صرف ایک ون ڈے کھیلا ہے، جس میں انہوں نے گزشتہ ماہ گوہاٹی میں ویسٹ انڈیز کے خلاف بین الاقوامی کرکٹ میں اپنا ڈیبیو کیا تھا۔
پر سدھ کرشنا کی فٹنس مسائل کے باعث سیریز سے باہر ہونے کے بعد سلیکشن کمیٹی نے نبی کو ابتدائی تین ون ڈے کے لیے بھی ٹیم میں شامل کیا ہے۔ ان کی شمولیت سے ہندوستان کو تیز گیندبازی کا ایک اور آپشن مل گیا ہے۔
پہلے تین ون ڈے کے لیے ہندوستانی ٹیم:
بمن گل (کپتان)، روہت شرما، ویرات کوہلی، شریئس ایئر (نائب کپتان)، کے ایل راہل (وکٹ کیپر)، اکشر پٹیل، نمن دھیر، انشول کمبوج، گرنور برار، رُتُراج گایکواڑ، ارشد دیپ سنگھ، ایشان کشن (وکٹ کیپر)، محمد سراج، کلدیپ یادو، نتیش کمار ریڈی (صرف پہلے ون ڈے کے لیے) اور عاقب نبی۔
چوتھے اور پانچویں ون ڈے کے لیے ہندوستانی ٹیم:
ریئس ایئر (کپتان)، روہت شرما، ویرات کوہلی، تلک ورما، ایشان کشن (وکٹ کیپر، نائب کپتان)، اکشر پٹیل، نمن دھیر، عاقب نبی، گرنور برار، رُتُراج گایکواڑ، ارشد دیپ سنگھ، کمار کشاگرا (وکٹ کیپر)، محمد سراج، یش ٹھاکر اور کلدیپ یادو۔