سے ۵۱اگست تک جموں صوبے میں شدید بارشوں کا امکان خراب موسم کے باعث پونچھ میں دوسرے روز بھی اسکول بند رہے

محکمہ موسمیات نے آج۳۱سے۱۵۱اگست تک جموں کے کچھ حصوں میں بھاری سے بہت بھاری بارش کی پیش گوئی کی ہے۔
محکمہ موسمیات کے ایک عہدیدار نے بتایا کہ موسم عام طور پر ابر آلود رہے گا اور کئی مقامات پر ہلکی سے اوسط بارش/گرج چمک کے ساتھ ساتھ جموں ڈویڑن کے بکھرے ہوئے مقامات پر بھاری سے بہت بھاری بارش کا امکان ہے جس میں ریاسی ، ادھم پور ، جموں ، سامبا ، کٹھوعہ شامل ہیں۔ ڈوڈہ اور راجوری ، خاص طور پر۳۱تا۵۱اگست کے دوران رات/صبح کے اوقات میں۔
عہدیدار نے بتایا کہ کشمیر ڈویڑن کے کچھ مقامات پر13تا۱۵گست کے دوران مختصر شدید بارشوں/تیز ہواو ¿ں کے ساتھ معتدل بارش بھی ہوسکتی ہے۔
عہدیدار نے کہا”چند مقامات پر گرج چمک ، بجلی گرنے اور تیز ہوائیں چل رہی ہیں ، جبکہ چند خطرناک مقامات پر لینڈ سلائیڈنگ ، مٹی کے تودے گرنے اور پتھروں کی وجہ سے اچانک سیلاب آنے کی توقع ہے “۔
انہوں نے کہا کہ ۶۱اگست کو موسم عام طور پر گرم اور مرطوب رہنے کی توقع ہے اور کچھ جگہوں پر مختصر بارش کا امکان ہے۔انہوں نے یہ بھی کہا کہ17تا۱۹گست سے عہدیدار نے جموں ڈویڑن کے کچھ مقامات پر بھاری بارش کے ساتھ کئی مقامات پر ہلکی سے اوسط بارش/گرج چمک کی پیش گوئی کی ہے ، خاص طور پر دیر رات/صبح سویرے کی طرف۔
عہدیدار نے لوگوں کو آبی ذخائر ، دریا کے کناروں اور ڈھیلے ڈھانچوں سے دور رہنے کا مشورہ دیا۔
اس دوران خراب موسمی حالات کے پیش نظر ضلع انتظامیہ پونچھ نے ضلع میں بدھ کو مسلسل دوسرے دن بھی تمام سرکاری اور نجی اسکولوں کو بند رکھنے کا حکم دیا ہے۔
تاہم حکام کے مطابق ریہرسل میں حصہ لینے والے اسکول اس حکم سے مستثنیٰ ہوں گے۔انہوں نے کہا”ناساز موسمی صورتحال کے پیش نظر ضلع پونچھ میں۱۳ اگست کو تمام سرکاری و غیر سرکاری اسکول بند رہیں گے تاہم ریہرسل میں حصہ لینے والے اسکول اس حکم سے مستثنیٰ ہوں گے “۔
واضح رہے کہ محکمہ موسمیات نے اگلے دو دنوں کے دوران جموں صوبے کے کچھ علاقوں میں بھاری بارشوں کی پیش گوئی کی ہے۔
محکمے نے اپنی ایڈوائزری میں کہا کہ اس دوران کہیں کہیں سیلابی ریلے ، لینڈ سلائیڈنگ اور پتھر کھسک آنے کے بھی خطرات ہیں۔
ایڈوائزری میں ان علاقوں کے لوگوں سے کہا گیا ہے کہ وہ ندی نالوں اور دریاوں کے نزدیک جانے سے پرہیزکریں۔