ایجنسیز
گلمرگ
گلمرگ ڈیولپمنٹ اتھارٹی (جی ڈی اے) نے گلمرگ میں اسسٹنٹ ڈائریکٹر سیاحت کو ہوٹل نیڈو اور اس سے منسلک زمین کا قبضہ سنبھالنے کی ہدایت کی ہے ، جو اس وقت غیر مجاز قبضے میں ہے۔
یہ اقدام سپریم کورٹ آف انڈیا اور جموں و کشمیر کی ہائی کورٹ کے احکامات کے بعد اٹھایا گیا ہے۔
سپریم کورٹ نے اس سے قبل ہوٹل سے متعلق ایک عرضی کو خارج کر دیا تھا ، جبکہ ہائی کورٹ نے حکم دیا تھا کہ جائیداد حکومت کو واپس کر دی جائے۔
جی ڈی اے کے چیف ایگزیکٹو آفیسر کی طرف سے جاری کردہ ایک خط میں ‘ اسسٹنٹ ڈائریکٹر ٹورازم سے کہا گیا ہے کہ وہ موجودہ مکینوں کو بے دخل کریں اور جائیداد کو۲۴ گھنٹوں کے اندر جی ڈی اے کے حوالے کریں۔
اس سے قبل محکمہ سیاحت نے اسسٹنٹ ڈائریکٹر ٹورازم کو جموںکشمیر پبلک پریمیسیس (غیر مجاز قابضوں کی بے دخلی) ایکٹ ۱۹۸۸کے تحت بارہمولہ ، کپواڑہ اور باندی پورہ اضلاع میں تمام سیاحتی املاک کیلئے اسٹیٹ آفیسر کے اختیارات دیے تھے۔
