جموں//
جموں کشمیر پولیس نے ضلع اودھم پور میں این ڈی پی ایس ایکٹ کے تحت ایک منشیات فروش کی لاکھوں روپیے مالیت کی منقولہ جائیداد کو ضبط کیا ہے ۔
ایک پولیس ترجمان نے بتایا کہ منشیات کے خلاف ایک اہم کارروائی میں اودھم پور پولیس نے این ڈی پی ایس ایکٹ کے سیکشن۶۸(ایف) کے تحت ایک منشیات فروش کی قریب ۱۰لاکھ رپیے مالیت کی منقولہ جائیداد کو ضبط کیا ہے ۔
ترجمان نے بتایا کہ ملزم پولیس اسٹیشن چننی میں این ڈی پی ایس ایکٹ کے تحت درج ایف آئی آر نمبر۲۰۲۴/۱۶۳میں ملوث ہے اور اس وقت ضلع جیل اودھم پور میں بند ہے ۔
بیان کے مطابق ضبط شدہ جائیداد میں ایک کاراور ایک ٹاٹا میجک شامل ہے ۔
ملزم کی شناخت اشرف ولد عبد الرشید سان ٹنکی پورہ دیوسر ضلع کولگام کے طور پر کی گئی ہے ۔انہوں نے کہا کہ ضبطی کا حکم تحقیقاتی افسر نے جاری کیا تھا۔
