سرینگر کے نوجوان کی لاش تین روز بعد دریائے جہلم سے بازیاب

سرینگر//
سرینگر میں زینہ کدل کے نزدیک دریائے جہلم میں چھلانگ لگانے والے۲۰سالہ نوجوان کی لاش جمعرات کی صبح ۳روز بعد بازیاب کی گئی۔
حکام نے بتایا کہ ایس ڈی آر ایف اور کیو آر ٹی نے جمعرات کی صبح شیخ پورہ کرشہ بل ملورہ کے نزدیک دریائے جہلم سے ۲۰سالہ عمر ساکن کائو ڈارہ سری نگر کی لاش بازیاب کی۔انہوں نے کہا کہ مذکورہ نوجوان نے۲۶مئی کو زینہ کدل کے نزدیک دریائے جہلم میں چھلانگ لگا دی تھی جس کے بعد بچائو آپریشن شروع کر دیا گیا تھا۔
انہوں نے کہا کہ لاش کو طبی و قانونی لوازمات کی ادائیگی کے لئے بھیج دیا گیا ہے جس کو بعد میں لواحقین کے سپرد کیا جائے گا۔
پولیس نے اس سلسلے میں پہلے ہی کیس درج کیا ہے ۔