پاکستان کے ساتھ تجارت اور نہ مذاکرات ہوں گے :وزیر اعظم

سرینگر/۲۲مئی
وزیر اعظم‘ نرنیدر مودی نے کہا ہے کہ پاکستان کے ساتھ تجارت اور نہ بات چیت ہو گی ۔
وزیر اعظم نے راجستھان کے بیکانیر میں دیشنوک میں ایک تقریب میں کہا”پاکستان کے ساتھ تجارت ہوگی اور نہ بات چیت؛ اگر بات چیت ہوئی تو صرف پاکستان کے زیر قبضہ کشمیر کے بارے میں“۔ دھمکیوں کے مقابلے میں بھارت کی عزم کو اجاگر کرتے ہوئے مودی نے کہا”بھارت ایٹمی دھمکیوں سے ڈرنے والا نہیں ہے“۔
پاکستان کے خلاف ایک تیز بیان میںوزیر اعظم نے پاکستان کے رحیم یار خان فوجی اڈے کی طرف اشارہ کرتے ہوئے کہا”پاکستان کا رحیم یار خان ایئربیس آئی سی یو میں ہے“۔
وزیر اعظم مودی نے بھارتی موقف کو دہرایا کہ’دہشت گردی اور بات چیت‘،’دہشت گردی اور تجارت‘ساتھ نہیں چل سکتے۔
مودی نے کہا”پاکستان دہشت گردوں کی آبیاری کرتا ہے، اور بھارت جواب دینے کے لیے تیار ہے“۔
جموں و کشمیر کے پہلگام میں مہلک دہشت گرد حملے کے ایک مہینے بعد، جس میں 26 عام شہریوں کی جانیں گئیں، مودی نے پاکستان کے خلاف سخت رویہ اختیار کیا، یہ کہتے ہوئے کہ ”بھارت اور پاکستان برابر نہیں ہیں“اور کہ کسی بھی آئندہ گفتگو کی حد صرف ”دہشت گردی کا مسئلہ اور پاکستان کے زیر قبضہ کشمیر“تک محدود ہوگی، اور کچھ نہیں۔
انہوں نے پانی کی تقسیم کے مسائل پر اسلام آباد کو مزید خبردار کیا، کہتے ہوئے”پاکستان کو ان دریاو¿ں سے پانی نہیں ملے گا جن پر بھارت کے حقوق ہیں۔“