سیاح سرینگر میں ’محفوظ‘ محسوس کرتے ہیں، مقامی لوگوں کی گرمجوشی اور حمایت کو سراہتے ہیں

پہلگام دہشت گردانہ حملے جس میں 26 افراد ہلاک ہوئے تھے‘ کے بعد سخت حفاظتی انتظامات کے درمیان سری نگر میں سیاحوں کا کہنا ہے کہ وہ مقامی لوگوں کی گرمجوشی اور حمایت کا سہرا دیتے ہوئے خود کو محفوظ اور خوش آئند محسوس کر رہے ہیں۔
جہاں ڈل جھیل سیاحوں سے بھری ہوئی ہے وہیں قریبی پہلگام ویران دکھائی دیتا ہے اور سیاحوں کی بھیڑ کی جگہ سکیورٹی کی بھاری نفری موجود ہے۔
گجرات کے وڈودرا سے تعلق رکھنے والے ایک سیاح وکرم بھائی ویاس نے کہا”سیاحوں کو ضرور جانا چاہیے ۔ اس طرح کا کوئی خوف نہیں ہے۔مجھے آج جانے میں اچھا نہیں لگتا۔ میں نے یہاں بہت اچھا وقت گزارا ہے۔ ہوٹل مالکان نے ہمارے قیام کے دوران ہماری مدد کی ہے۔ ہمیں کوئی خوف محسوس نہیں ہوا، اور مقامی لوگوں نے ہمارا خیر مقدم کیا ہے“۔
21 اپریل کو سری نگر آنے والے ایک اور سیاح بکل شرما نے کہا”ہم مکمل طور پر محفوظ محسوس کر رہے ہیں۔ کوئی مسئلہ نہیں ہے۔ کوئی خوف نہیں ہے۔ دورے کی منصوبہ بندی کرنے والے لوگوں کو آنا چاہئے“۔
گجرات سے تعلق رکھنے والی ویبھوی ویاس نے کہا کہ وہ علاقے میں فوجی جوانوں کی واضح موجودگی سے مطمئن محسوس کرتی ہیں۔
حالانکہ، پہلگام کی بیسرن وادی کے مناظر، جہاں حملہ ہوا تھا، ایک مختلف کہانی بیان کرتے ہیں۔ کبھی سیاحوں سے بھرا ہوا یہ علاقہ اب بہت کم نقل و حرکت دکھاتا ہے، جو چند شہریوں اور گشت کرنے والی سکیورٹی فورسز تک محدود ہے۔
دریں اثنا، سیکورٹی ایجنسیوں اور جموں و کشمیر کے حکام نے حملے میں ملوث افراد کے خلاف کریک ڈاو¿ن تیز کر دیا ہے۔
ہفتہ کے روز حکام نے ضلع شوپیاں کے چوٹی پورہ گاو¿ں میں ایک اور رہائشی ڈھانچے کو منہدم کر دیا، جس کا تعلق مبینہ طور پر ایک دہشت گرد سے ہے، جس کے بارے میں خیال کیا جاتا ہے کہ وہ پہلگام حملے میں ملوث ہے۔
ضلع کولگام کے متالہامہ گاو¿ں میں ایک مشتبہ شخص ذاکر احمد غنی کا ایک اور گھر بھی منہدم کر دیا گیا۔ غنی 2023 سے سرگرم ہیں اور خیال کیا جاتا ہے کہ وہ اس حملے میں براہ راست ملوث ہے۔
اس سے پہلے جمعہ کے روز لشکر طیبہ (ایل ای ٹی) کے دہشت گرد عادل ٹھوکر، جسے عادل گوری کے نام سے بھی جانا جاتا ہے، کے گھر کو مسمار کر دیا گیا تھا۔
خیال کیا جاتا ہے کہ جموں و کشمیر کے اننت ناگ ضلع کے بجبہاڑہ بلاک کے گوری گاو¿ں کے رہنے والے عادل گوری پہلگام حملے میں ملوث تھا جس میں ایک نیپالی شہری سمیت 26 افراد ہلاک ہوئے تھے جن میں زیادہ تر سیاح تھے۔ اسے سب سے زیادہ مطلوب قرار دیا گیا ہے اور اننت ناگ پولیس نے اس کی گرفتاری کے لئے کسی بھی مخصوص معلومات کے لئے 20 لاکھ روپے کے انعام کا اعلان کیا ہے۔ اس کیس میں دو پاکستانی شہریوں کو بھی انتہائی مطلوب قرار دیا گیا تھا۔
22 اپریل کو پہلگام کے بیسرن گھاس کے میدان میں دہشت گردوں کے ذریعہ بے گناہ شہریوں پر حملہ ، جس میں 25 ہندوستانی شہری اور ایک نیپالی شہری ہلاک ہوگئے تھے ، جبکہ متعدد دیگر زخمی ہوگئے تھے ، نے ملک بھر میں زبردست ہنگامہ برپا کردیا ہے۔
پہلگام میں حملے کے بعد دہشت گردوں کو ہلاک کرنے کے لئے ہندوستانی فوج ہائی الرٹ پر ہے اور کئی سرچ آپریشن شروع کر رہی ہے۔ اس واقعہ پر ملک بھر میں غم و غصے کی لہر دوڑ گئی ہے اور ملک بھر میں بڑے پیمانے پر مظاہرے شروع ہوگئے ہیں اور پہلگام حملے پر پاکستان کے خلاف سخت کارروائی کا مطالبہ کیا گیا ہے