’بی جے پی ممبران اسمبلی میں لوگوں کی بات نہیں کرتے‘

جموں//
جموں کشمیر کے نائب وزیر اعلیٰ سریندر چودھری کا کہنا ہے کہ نیشنل کانفرنس سرکار نے دربار موو کی روایت کو بحال کرکے جموں کی معیشت کو کسی حد تک بحال کیا۔
چودھری نے کہا کہ بی جے پی کے ممبر اسمبلی میں لوگوں کی کوئی بات نہیں کرتے ہیں۔
نائب وزیر اعلیٰ نے ان باتوں کا اظہار ہفتے کو یہاں نامہ نگاروں کے سوالوں کے جواب دینے کے دوران کیا۔
وزیر داخلہ امیت شاہ کے ایک بیان کے بارے میں انہوں نے کہا’’وزیر داخلہ صاحب نے پارلیمنٹ میں جو جموں و کشمیر کے لوگوں سے وعدہ کیا ہے کہ آپ کی زمینوں اور روزگار کو باہر کے لوگوں کو نہیں لینے دیں گے اس لئے امید ہے کہ وہ جموں و کشمیر کا ریاستی درجہ جلد بحال کریں گے اور ہماری زمینیں اور بچوں کا روز گار محفوظ رہے اس پر بھی جلد ایک اعلان کریں گے ‘‘۔
اپوزیشن لیڈر سنیل شرما کے ایک بیان کا جواب دیتے ہوئے ان کا کہنا تھا’’جموںکشمیر خاص کر جموں کے لوگ دیکھ رہے ہیں کہ بی جے پی کے ممبر اسمبلی میں کیا کر رہے ہیں آج وہ لوگوں کے مسائل پر اسمبلی میں بات نہیں کر رہے ہیں‘‘۔
چودھری نے کہا’’جموں کے لوگوں کی تجارت، انڈسٹری اور بچوں کا روز گار ختم ہوگیا،نیشنل کانفرنس سے دربار مو وکی روایت کو بحال کرکے جموں کی معیشت کو کسی حد تک بحال کر دیا‘‘۔
نائب وزیر اعلیٰ نے کہا کہ دربار مو کی بحالی کی وجہ سے ہی جموں کے بازاروں میں گہماگہمی ہے ۔
ڈیلی ویجرس کے بارے میں بات کرتے ہوئے ان کا کہنا تھا’’نئی سرکار نے ڈیلی ویجروں کیلئے ایک کمیٹی بنائی ہے ‘‘۔
نائب وزیر اعلیٰ نے کہا’’کچھ لوگ ایسے ہیں جو ملازم ہیں اور کسی پارٹی کی ہدایت پر چل رہے ہیں ان کے خلاف کارروائی ہوگی‘‘۔
چودھری نے کہا کہ جو سرکاری ملازم ہیں ان کو نوکری کرنی ہے سیاست نہیں کرنی ہے اور جو لوگ سیاست کرنا چاہتے ہیں انہیں پہلے نوکری چھوڑی ہوگی۔